【日本旅遊】跟關智斌遊岡山 兒島DIY牛仔褲+嘆即叫即劏章魚料理

唔經唔覺，Kenny岡山之旅最後一集，今集Kenny帶大家去到兒島牛仔褲街，更會到日本唯一一間牛仔褲博物館親手DIY屬於自己的牛仔褲，亦會到七十年老店保乃家睇大廚生劏活章魚，兼嘆地道的章魚料理；最後返港前，於岡山桃太郎空港買手信，結束一連四集的岡山之旅。

位於兒島的牛仔褲街，擁有大大小小的牛仔褲店子，亦有日本唯一一間牛仔褲博物館。今次Kenny到訪的牛仔褲博物館，由老字號牛仔褲廠商Betty Smith於1962年所營運，館內存放著各種牛仔褲歷史資料，亦提供牛仔褲體驗工作坊，參加者可按自己喜好挑選布料及配件，親手DIY屬於自己的牛仔褲。

至於七十年老店保乃家是下津井地區首家章魚料理專門店，提供章魚套餐料理，章魚均是即叫即劏，以保持其彈牙的口感以及鮮味。今次Kenny除了品嚐即劏章魚刺身，還有章魚子、炸章魚咀、章魚蒸飯等，隔住個Mon都睇到流晒口水！

最後，Kenny到岡山桃太郎空港坐直航機返香港，上機前更狂掃岡山手信，好似當地著名的「吉備糰子」以及用上岡山白桃同香印提子的製品等，下次去岡山旅行，記得留返對手，入到免稅區掃貨啦！

Betty Smith牛仔褲博物館
地址：岡山縣 倉敷市 兒島 下之町5-2-70
營業時間：9:00-18:00
網頁：https://www.okayama-japan.jp/tw/spot/908
交通：從JR兒島站搭計程車約10分鐘

元祖章魚料理・保乃家
地址：岡山縣倉敷市下津井1-9-33
營業時間：11:00-21:00 （逢星期三休息，如星期三是假期則改為翌日休息）
電話：086-479-9127

下戴全新Yahoo App

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！

Video credit :
關智斌 Kenny Kwan