雅虎香港新聞 Yahoo Travel HK
日本311海嘯後 宮城縣青蟹數量激增300倍？
日本2011年嘅大地震引發東北地區海嘯，更導致核幅射洩漏嘅二次災害。東北地區嘅農業一直受影嚮至今，當中漁業及農業都要用多年時間去重新發展；不過喺不幸嘅災難之中，原來有一個小小嘅地方，竟然因禍得福，得到比海嘯前多300倍嘅漁獲？
位於仙台灣及宮城縣附近嘅七濱町，自海嘯以後，海底溫度急升加上大量由海嘯而積聚嘅泥漿，形成一個適合青蟹生活嘅環境，青蟹數量急升。海嘯前2010年，宮城捕捉嘅青蟹量只有2噸，海嘯後2015年有成518噸，2016年更有662噸，大增300多倍！當地做咗50年嘅漁民就話，只要一落網，一日可以捉到440磅青蟹，幾乎無需任何技巧。
青蟹相信大家都好熟，係平時街市見得最多嘅蟹，老實講當然不及松葉蟹等珍貴有價值，不過勝在價錢便宜，所以唔少日本嘅中華料理都會採用。另外有好多位於宮城嘅拉麵店甚至提供一碗有全隻蟹嘅青蟹拉麵呢！
宮城捕獲嘅青蟹數目由2011年海嘯之後激增300倍。
青蟹雖然價值不及鱈場蟹及松葉蟹，勝在價錢親民。
唔少宮城嘅拉麵店甚至提供一碗有全隻蟹嘅青蟹拉麵呢。
相關文章：
.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
