是日噏day：Facebook懶醒功能多 教你篩走前度的動態回顧

近年Facebook成日推出一啲懶醒嘅功能，就好似近日推出嘅好友日friends day影片慶祝，就係Facebook 12歲生日嘅特別功能，會將你將接過嘅相片聯通一啲留言字句，製作出一段短片去等你分享。

我就曾經見過一個FB嘅朋友，因為冇足夠嘅內容佢比FB自動製作朋友日嘅短片，系統彈出道歉字句，話俾佢聽系統搵唔到足夠嘅內容，真係灰到爆廠。

（Source: William Outcast Chan FB，書籍《我的遺書》作者陳偉霖 FB）

而云云臉書功能當中，最乞人憎嘅，應該係稱為「歷史上的今天on this day」嘅「動態回顧memories」功能。有用開FB嘅朋友應該都有呢個經驗，就係系統，會周不時彈出一啲當年今日嘅feed，話俾你聽幾年前嘅今日，你po果啲咩。

之前網絡熱爆嘅Be like Bill 系列，亦都令過呢個題目黎玩。

我唔肯定除咗你自己之外，有冇人有興趣知道你幾年前嘅今日做過啲咩。但係臨近情人節嘅時間，呢個動態回顧嘅功能，隨時會出事。

我當然知道呢個功能可以關閉，又或者你唔按分享掣，佢係唔會係你嘅wall嗰度返出嚟。但如果你係有舊情人嘅朋友，你失驚無神彈返幾年前同前度過情人節嘅親密照出嚟，有叫人情何以堪呢？

而另外一個出事位，就係就算你唔share，你一打開FB，佢就會大大張相咁樣彈出嚟。試諗下，如果你當時同現任女朋友一齊， FB彈張咁樣嘅相出嚟，係真係想用手遮住都未必有咁快反應。

所以喺呢度建議大家，係情人節之前，最好將呢一個動態回顧當年今日嘅功能關掉。以下嘅連結，就好清楚咁樣教到大家，究竟點樣將呢個功能關閉；又或者仲有一個方法，係新增篩選條件，過濾你唔想回顧嘅人或者日期。

link: 如何管理「歷史上的今天」的通知？

link: 如何新增篩選條件過濾您不想回顧的人或日期?

text / Tyler Li