雅虎香港新聞 晴天雨天都著得! 5大英倫潮牌防水褸推介
近日不時落毛毛細雨，好多人怕煩唔帶遮，就咁笠件雨褸或者防水外套算。除咗來來去去幾個大嘅戶外牌子，其實都仲有好多靚嘅選擇，就算落雨，著住件靚外套心情即刻變好!
1.Joules
雨褸最怕單調，連凱特王妃都係用家嘅Joules，就啱哂一班「好色」女生，設計用咗搶眼顏色同埋浪漫英倫少女風印花圖騰，除咗雙面外套，仲有斗蓬款式，部分款式備有索繩小袋，唔著時隨時摺好擺入袋都好方便。
2.Craghoppers
極著重機能性設計，仲係National Geographic及Discovery Channel指定品牌，連張智霖、袁詠儀、馮德倫同埋謝霆鋒都有著!今季採用90年代初大熱復古型格街頭風設計，撞色設計男女都啱著，亦有糖果色好似淺粉紅、蘋果綠等，甜美少女一定like。外套設有兩層防水布料，突然落暴雨都唔駛怕!
3.Lighthouse
來自英國北愛爾蘭，以航海風格為主軸，設計簡約俐落，今個春季推出pantone及柔和色調如粉紫、湖水藍與淺粉紅等，獨有全縫線技術，高度防風、防水及透氣，唔怪得英國人成日都唔駛拎遮啦，原來收埋咁多好嘢！
4.Mac In a Sac
少女愛粉色，型男不如著螢光!春季風褸著重拉鏈細節，好似用螢光綠拼深灰，迷彩拼螢光黃、紫色拼螢光綠等，增強深淺對比感，每件風褸都附送收納袋，方便收藏及帶出街。
5.Regatta
係英國家傳戶曉嘅防水服飾品牌，有超過30年歷史，春夏新作以漸變幻彩、拼色及波點元素，採用輕身物料及防水透氣科技之餘，縫線亦經過密封處理，加上隱藏式帽子設計，擋風防水又不失型格。
圖片來源：Go Wild
相關文章：
