雅虎香港新聞 
曬冷! 日本LEGOLAND 手信 率先睇! 33款必買LEGO紀念品
4月1日開幕的 日本LEGOLAND 手信 必定是大家最期待的東西，一入場就要大買特買！今次特派記者搜羅 日本LEGOLAND 手信 ，同大家預覽有咩靚靚精品同紀念品，當中有不少日本限量版同最齊款的最新Batman LEGO的精品，仲有瓷器店Noritake聯乘瓷器，只會在樂園發售，全部都好想買！
text/ mini tomato
最新LEGO電影精品
趁電影新近上映，呢堆蝙蝠俠products都係最新出品，除咗Batman之外，仲有Joker同Bat Girl，有figure、毛公仔、文具等等，Batman同Joker都擺出「C字手勢」，勁搞笑！
LEGO公仔系列
去親馬來西亞LEGOLAND，好多人都會買番隻LEGO minifigure公仔，今次日本就冇出人仔特別版喇，反而就有過山車飛龍公仔，仲有港女最愛bear bear熊。
文具控最愛 LEGO文具系列
文具系列大人細路都啱，今次呢幾款明顯設計更簡潔，唔再係針對小朋友而設，上班族都啱用。
送給另一半的樂高手信
一直以為LEGO都是細路玩具，你就錯了， 日本LEGOLAND 有不少情趣玩具，咪心邪，全部都好cute、好sweet、好有heart，如果男/女朋友係LEGO fans，一定唔可以錯過。
PINO雪糕積木盒，內有限定罕有顏色積木
小朋友精選產品
要買手信俾小朋友，買旋風忍者系列嘅產品，同埋銀包、背囊等日常用品就最容易俘虜細路。
家品系列
香港少見的LEGO家居精品，除了巨型積木盒，LEGO的滲透程度原來可以咁厲害！
終極限量！ 日本LEGOLAND × Noritake限量版紀念瓷器
Noritake貴為日本皇室御用瓷器，一直推出款式高貴的瓷器為主，向來都深得日本國民喜愛，總公司仲啱啱好開喺名古屋，其博物館就喺名古屋站15分鐘路程附近，睇得出今次 日本LEGOLAND 同佢合作都相當有心思。睇番日本國民過往對於Noritake嘅喜愛，相信呢批限量版瓷器會成為開幕紀念必搶items！
延伸閱讀：
倫敦大排長龍小食店 Bubblewrap 竟然是香港人的 雞蛋仔 |英國|
