曹敏莉大女遺傳優良基因擁美貌及高䠷身形 國際學校每年學費高達24萬冠絕全港

40歲曹敏莉2003年參選香港小姐競選，勇奪「國際親善小姐」、「鑽石肌膚獎」、「芙蓉美態獎」、「完美組合獎（百變伊人組）」及冠軍五大獎項，成為五料冠軍，曾拍攝《胭脂水粉》和《絕代商驕》等經典TVB劇集，不過自2010年與金融才俊男友張家傑結婚後便淡出娛樂圈，專注照顧三名子女，僅間中出席港姐及慧妍雅集舉辦嘅活動。近日，曹敏莉於IG分享11歲大女Dora六年級畢業照片，從照片中看到，一家人都有到場支持。Dora擁有一對大眼睛及甜美笑容，身形亦高挑，穿著平底鞋都只係矮過著高跟鞋嘅曹敏莉少少，相信已追到曹敏莉嘅高度，絕對係遺傳咗媽媽嘅優秀基因。

曹敏莉三位小朋友皆就讀漢基國際學校，學費冠絕全港，當新生被確認獲取錄後，就須繳交15萬港元留位費；每年學費更高達24萬港元，即是曹敏莉三名子女學費已達75萬港幣。而其實早於2021年，曹敏莉分享與囝囝Leo慶祝生日嘅照片已意外令千呎半山複式豪宅曝光，除咗樓底極高並以白色為主色，屋內更可觀賞到維港的美景，而客廳面積亦相當大，可搭帳篷，相當富貴。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！