曾被男對手當女友 拍喊戲時撩耳仔 趙希洛︰我呆咗

趙希洛
趙希洛

TVB花旦眾多,但靠演技令觀眾記得嘅冇幾多個。趙希洛因為演過多個邊緣性格嘅角色而被稱為大台「御用癲婆」,亦因為《金宵大廈》嘅何太一角而獲得台慶頒獎禮最佳女配角。呢期播出嘅《18年後的終極告白2.0》,Candice又要演因為連串不幸而性格扭曲嘅角色,又要同戲中老公陳山聰親熱。對手係視為阿哥嘅山聰,Candice喺YAHOO TV《娛樂訪談》提到起初的確覺得怪,但投入角色之後已經冇「亂倫」感覺。

講到底,拍呢類戲最緊要同對手有信任,否則乜都假。趙希洛就試過遇上「太投入」嘅對手,Candice憶述當時拍緊一場喊戲,仲要係大特寫近鏡,蘊釀情緒之際,身旁嘅男對手竟然撩佢耳仔!一cut機趙希洛問男對手頭先做咩撩佢耳仔,對方竟然話「唔好意思呀,我當咗你係我女友」。Candice聽完當堂呆咗,深呼吸一下,然後因為唔知點面對對手,於是走咗去!因此趙希洛認為拍對手戲「信任」好緊要,咁先唔擔心對方唔係佔自己便宜。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能