最划算旅遊地點 一萬蚊包起居飲食兼豪玩兩個月

成日呻無錢去旅行？其實去旅行真係可以唔洗好多錢，除非你餐餐大魚大肉，又要瘋狂購物，住五星級酒店，再坐埋頭等，咁就真係無得好講。不過若然係識慳的話，只要你周圍格吓價，又唔介意坐廉航，分分鐘機票個到仲會係你成個旅程洗得最少錢的地方。而外國社交網站，就為大家精選咗八大划算旅遊地點，務求為大家荷包着想，黎緊暑假可以考慮吓去以下地方呀！

1. 秘魯：

���網民就分享係秘魯旅行10日都只係$ 2,000美金（約港幣＄16000），而當地匯率就係＄1美金兌＄3新索爾。而市中心利馬，物價都唔算高，一份超好食的扒餐就大約$ 25美金（約港幣＄195），當地仲有大量的文化歷史，而且仲可以去埋玻利維亞到睇天空之鏡。

2. 南非

匯率大約係15蘭特兌＄1美金，匯率低，而且南非的酒店同旅館都超平，每晚大約$ 10至$ 15美金（約港幣＄78至＄120左右）。有網民就分享自己係南非住足兩個月酒店連洗費都只係$ 1,300美金 （約港幣＄10,000左右），不過就全程坐公共交通工具同順風車，但呢個價錢仲可以食埋飯、跳傘、同鯊魚潛水、滑翔機再去埋峽谷，真係抵到爛喇！

3. 中國

雖然人民幣愈來愈唔見使，物價水平亦開始上升，但撇開啲大城市或旅遊區唔講，大部分偏遠地方嘅物價仲仍然停留喺10年8年前，例如山區農鄉，食餐飯真係幾蚊就可以有交易(當然唔好要求太多)，既可以避開大量旅客，又可以接觸一下未被中國人污染嘅大山大水。而大城市方面，近年北京同上海，都有物價下跌的趨勢，兩個人住8晚四星級酒店都係＄900一個人，都算抵喇！

4. 越南

呢個地方出名物價平，住足9晚五星級酒店都只係＄300-＄400美金（約港幣＄2400-＄3200左右），但如果你唔介意，當地有賓館就每晚＄10美金一晚（約港幣＄78左右），加上食物又平又好食，真係抵玩之選，又成日有廉航會做優惠，唯獨係簽證貴咗啲，成＄500港幣一次。

5. 牙買加

Airbnb住宿為$ 25美金（約港幣＄195左右）一晚，度假一流，當地又有大量餐館同酒吧，消費都係$ 30至$ 40美金（約港幣＄240至＄320）。

6. 泰國
香港人的天堂上榜有幾難，行街食飯按摩都勁抵呀，唔洗多講啦！

7. 尼泊爾

有人分享自己去咁尼泊爾兩個月，唔連機票，洗咗$ 1500美金（約港幣＄11,700左右），但呢個價包曬食品、宿舍，仲可以通過喜馬拉雅山展開為期五日的跋涉。不過去到當地最緊要就係學識講價，去到邊用到邊。

8. 墨西哥

個到住就唔貴，大約＄50美金（約港幣＄390左右）靜靜地都可以租到間房，如果係Airbnb或者五星級酒店，​​客房每晚唔洗＄100美金（約港幣＄780左右）。

相片來源：the South Africa blog @tumblr