有心定無意?西班牙雕像修復成Cute版樣
世界各地都好多著名藝術品雕像,不過經歷歲月洗禮之後有唔少雕像都自然損毀,要經由專業人士去修復,不過近日於西班牙一座雕像就竟然被修復成Cute版樣?
於西班牙帕倫西亞一間銀行外牆上就有一幅百年歷史嘅雕像,原本係一位秀麗嘅女性模樣,奈何因為個樣剝落變成「無面人」,最後銀行搵嚟專業修復師幫手,但完工後駭然發現竟然變成尤如漫畫人物嘅少女樣,非常Cute!後來被當地媒體報道後,被網民批評當局點會願意埋單,甚至應該追究修復公司「破壞文物」。不過類似事件於西班牙已經發生過,2012年東北部博爾哈鎮教堂一幅耶蘇壁畫,就被修補成猿猴一樣,震驚國際!
相關文章: