李亞男正式宣布陀B女 網民:拜託要似媽咪!

東方新地 - 娛聞
東方新地

王祖藍同太太李亞男結婚3年,今年7月終於宣佈造人成功,李亞男經常笑言丈夫基因太強,如果生女似爸爸就大獲,因此一直未有公開BB的性別,不過今日李亞男終於開估,係囡囡呀!

編輯:東方新地、Sundaykiss|原文:CMY、Sundaykiss|圖片來源:Instagram、新傳媒資料庫、電視節目截圖

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

【再創世紀】大台御用中風者! 潘志文 4年內第4度「中風」

李亞男正式宣布陀B女

李亞男在個人Instagram上載了一張孕照,肚上就用粉紅色寫了「Baby Girl」,留言指:「今日小公主陪我開工,佢好乖!」

今日小公主陪我開工,佢好乖💕👸🏻#孕婦日記🤰🏻 #happybabygirl

A post shared by 李亞男Leanne (@therivergirl) on Sep 10, 2018 at 1:59am PDT


網民得知李亞男陀B女後,紛紛留言指希望不要像爸爸王祖藍,更有粉絲指會天天替李亞男祈禱:「拜託要像媽媽!」

作為扮嘢鬼才的王祖藍,早前曾多次扮演女角色「handelababy」,未知囡囡又會否似爸爸?
作為扮嘢鬼才的王祖藍,早前曾多次扮演女角色「handelababy」,未知囡囡又會否似爸爸?

胎動似攪肚痛

李亞男有咗4個月,狀態仲好好,冇增磅,冇腰痛,又冇乜作嘔作悶,胃口都OK!不時仲去行吓公園,希望對將來順產會有幫助。


一家三口的小幸福 #找亮點

A post shared by 王祖藍 (@wong_cho_lam) on Jul 31, 2018 at 4:00am PDT


李亞男話,初初感受到胎動嘅時候,感覺好奇妙,好似攪肚痛咁!


Enjoying my backyard💕

A post shared by 李亞男Leanne (@therivergirl) on Jun 24, 2018 at 3:07pm PDT


未決定順產定開刀

李亞男話而家仲未決定順產定開刀,因為王祖藍實在太忙喇,怕BB出世會撞正爸爸要開工,如果開刀嘅話,爸爸就可以提早請定假!


李亞男陀B 王祖藍好緊張

今年情人節結婚三周年,早於去年底王祖藍已表示會同老婆李亞男開行turbo造人,想不到努力僅數個月便造人成功!

王祖藍(@wong_cho_lam)分享的貼文於PDT 2018 年 7月 月 14 日 上午 12:07張貼



李亞男就在個人社交網大晒BB超聲波照片,選擇在二人拍拖九周年大日子公布大肚喜訊。但原來李亞男發現陀B時,正身處外地陪老公祖藍開騷,得知陀B一刻既驚喜亦特別緊張。

王祖藍(@wong_cho_lam)分享的貼文於PDT 2018 年 7月 月 12 日 下午 10:14張貼


溫哥華探嘉欣

已經陀B四個月過咗穩定期,七月初亞男飛溫哥華探家人,此行還順道向正在陀第二胎的好姊妹鍾嘉欣取經,日前亞男就晒出同嘉欣在溫哥華公園,兩人互摸對方個肚的溫馨照片,已經陀B四個月的亞男,著住One Piece牛仔裙亦可見個肚已經有番咁上下份量!

李亞男Leanne(@therivergirl)分享的貼文於PDT 2018 年 7月 月 16 日 上午 1:36張貼


減少內地工作

據知情者透露:「亞男啱啱有咗嗰陣,因為祖藍仲拍緊《奔跑吧兄弟6》,之前又接咗唔少工作,佢一路都唔放心,就派屋企人日日去佢屋企睇住老婆,雖然細佬已經有個女,但祖藍媽一路好恨再抱孫,知道新抱有咗,不知幾開心,就算祖藍唔叫,祖藍媽都日日煲靚湯畀新抱仔飲!話晒大肚婆要食多啲有營養嘅嘢,祖藍最緊張要老婆重點補鈣,要亞男每日飲奶谷胎,要亞男戒甜同戒咖啡!」

王祖藍(@wong_cho_lam)分享的貼文於PDT 2018 年 6月 月 23 日 上午 1:11張貼


而養胎中的李亞男近日準備為自己烹飪書到書展宣傳,周三(18日)更出關到灣仔會展中心出席宣傳活動。據知情者透露:「祖藍呢個廿四孝老公,已經下令要亞男停晒工作專心養胎,不過佢知道老婆花好多心血喺本書度,都放寬畀老婆出關,但話晒書展人多,佢都好緊張,落order要大家小心睇住亞男!」

李亞男Leanne(@therivergirl)分享的貼文於PDT 2018 年 7月 月 18 日 下午 6:53張貼


母愛氾濫

早前,本刊就拍到即將做媽媽的李亞男,陪同祖藍及親友外出晚飯,當日所見,亞男慈母上身全程對姪女非常照顧,食飯前還帶姪女去商場買玩具及零食,吃飯期間,又唔揀同祖藍一齊坐等老公服侍,反而黐實姪女細心夾餸畀對方,對住姪女已經愛心爆棚,亞男將來肯定是個超級好媽媽。

早前,李亞男同老公王祖藍及親友去寓所逸瓏灣的商場酒樓開餐,吃飯期間,亞男還陪姪女行出酒樓去商場洗手間,只見她拖住姪女時慈母上身一樣,將來肯定是個廿四孝好媽媽。
早前,李亞男同老公王祖藍及親友去寓所逸瓏灣的商場酒樓開餐,吃飯期間,亞男還陪姪女行出酒樓去商場洗手間,只見她拖住姪女時慈母上身一樣,將來肯定是個廿四孝好媽媽。

重點補鈣

當日吃完晚飯,祖藍再去買了兩包脫脂高鈣奶上車畀老婆飲,雖然係新任爸爸,祖藍亦知道鈣質對肚裡BB成長非常重要,實行重點補鈣狂谷,希望生個似足老婆李亞男的靚B。

王祖藍
王祖藍

愛心爆棚

祖藍同細佬及親友食飯期間傾個不停,老婆李亞男就全程掛住照顧姪女,兩個黐住坐好好傾外,亞男更全程細心夾餸給對方,似足慈母愛心爆棚!

王祖藍
王祖藍

湯水進補

老婆掛住氹小朋友,袓藍就全程盯實老婆,又特別叫滋補靚湯畀老婆進補,非常體貼!

王祖藍
王祖藍

做埋司機

食完飯,兩公婆分頭行,亞男同部分親友行返寓所,而同細佬手足情深的祖藍,就揸車先送細佬回家,自己再外出工作。

王祖藍
王祖藍

興奮報喜

7月13日,李亞男在個人社交網晒出BB超聲波照片公布有喜,留言分享懷孕喜悅!


趕返港安胎

今年四月亞男陪祖藍去完加拿大再去新加坡工作,就在外地得知有喜,令兩公婆既興奮又緊張!更急改行程趕返港安胎。

王祖藍
王祖藍

Had a great time in Toronto 💕 memorable 2 nights!

李亞男Leanne(@therivergirl)分享的貼文 於PDT 2018 年 4月 月 17 日 上午 5:33張貼


奶奶狂喜

唔單止對小朋友有愛心,李亞男亦識得尊重長輩,同祖藍媽一直相處融洽,奶奶得知好快抱孫,開心到第一時間買定補品畀新抱進補,全天候照顧亞男!

王祖藍
王祖藍

叫岳母來港幫手

愛錫老婆的祖藍,稍後亦會安排岳母來港照顧亞男。

李亞男Leanne(@therivergirl)分享的貼文於PDT 2018 年 5月 月 13 日 上午 2:45張貼


做足保密功夫

五月李亞男同岑麗香為王君馨慶生,當時已經有咗BB的亞男,因為陀B未足三個月,怕小器未敢將好消息公開!

自從陀B後,每到人多地方,亞男都戴口罩護胎。

王祖藍(@wong_cho_lam)分享的貼文於PDT 2018 年 4月 月 4 日 上午 6:32張貼


李亞男近年將時間放去研究烹飪,煮得一手好菜的她,經常煮好嘢食餵飽老公,日前(7月18日),更為其烹飪書出關到書展宣傳,大肚後首現身同大家分享將做媽媽的喜悅。

李亞男Leanne(@therivergirl)分享的貼文於PDT 2018 年 5月 月 24 日 上午 4:09張貼


向嘉欣取經

陀B四個月的李亞男,日前一個人飛溫哥華探家人,順道探同樣留加安胎的好姊妹鍾嘉欣,同好姊妹同時間陀B,兩人更興奮到一齊挺肚影相大晒母愛,嘉欣還調皮指住亞男個肚量度BB size,十分搞笑。

比李亞男遲婚的鍾嘉欣,一直鼓勵亞男快些生BB,得知好姊妹有咗,自然喜上加喜,快將做第二任媽媽的嘉欣,更不停將自己陀B經驗同好姊妹分享。

李亞男:婚姻就是各有犧牲

李亞男早前接受本刊專訪,大談婚姻之道。

從拍拖到結婚,王祖藍固然爬得快,而他和李亞男這一對也讓不少人跌眼鏡。不過恩愛之餘,去年底還是傳出祖藍太忙、亞男太依賴,於是亞男因為驚恐症入院,亦疑似患上抑鬱:「驚恐症係真嘅,不過抑鬱係假嘅,係結婚冇耐我因為腸胃有事入咗院,當時祖藍喺內地拍緊電視劇《哪吒》,實在請唔到假返唔到嚟陪我,我就真係覺得好down。外界話佢為咗事業忽略我,我想話其實係佢為咗我犧牲咗好多至真。嗰次以後,佢真係除咗綜藝節目再唔會接內地電視劇、永遠出trip都一定唔會超過三個月。我覺得婚姻就係要互相珍惜互相犧牲,佢講得出做得到,所以我本來想去日本九個月考個藍帶章,依家都暫時放低咗呢個目標,冇可能淨係佢一個為咗呢段婚姻努力。」

李亞男話結婚後佢所有嘢都放心交晒畀祖藍安排。
李亞男話結婚後佢所有嘢都放心交晒畀祖藍安排。
14年台慶夜,王祖藍失驚無神跪地求婚,翌年情人節, 兩人在迪士尼酒店大宴親朋,正式結為夫妻。
14年台慶夜,王祖藍失驚無神跪地求婚,翌年情人節, 兩人在迪士尼酒店大宴親朋,正式結為夫妻。

李亞男 爹哋鼓勵19歲選美

33歲的李亞男在上海出世,9歲舉家移民加拿大溫哥華,她說自己小時候被外公外婆湊大,長大則學校、教會、屋企三點連線,從來不出門、從來沒有自己的社交圈,21歲認識祖藍之前,也只交過一個男朋友:「其實拍得兩個散拖,咩都冇做過,我都唔知算唔算正式一段感情。」

李亞男去年離巢無綫後,首波搞作就是一口氣出兩本書,一本是和丈夫剖白兩人長短腳之戀,一本是教煮廣東湯上海菜的烹飪書。
李亞男去年離巢無綫後,首波搞作就是一口氣出兩本書,一本是和丈夫剖白兩人長短腳之戀,一本是教煮廣東湯上海菜的烹飪書。
從小長得高大又五官標緻,身邊Auntie年年慫恿李亞男參加選美,05年終於豁出去參選,便從溫哥華一路殺到返香港,更以大熱姿態奪冠。
從小長得高大又五官標緻,身邊Auntie年年慫恿李亞男參加選美,05年終於豁出去參選,便從溫哥華一路殺到返香港,更以大熱姿態奪冠。

愛在祖藍未紅時

一坐下來,其實李亞男一直高呼,要幫她澄清一下和祖藍拍拖的時間線:「好多人以為佢開始紅我至同佢一齊,其實05年我哋對大家有feel嗰陣,佢仲係兒童節目主持、仲未幫《東方之珠》郭晉安代唱、仲未演《同事三分親》個樓華。」李亞男和王祖藍的初邂逅,就是在藝人之家。「當時大家對大家都冇感覺,淨係覺得佢細細粒幾得意。識佢以前,我鍾意嘅明星都係王力宏、黎明嗰啲⋯⋯」簡單嚟講,即是一概白馬王子型,並且高度一定要在李亞男之上,那些年,有排都未輪到王祖藍。

李亞男指05年開始對祖藍有feel,當時佢只係兒童節目主持。
李亞男指05年開始對祖藍有feel,當時佢只係兒童節目主持。
生於虔誠基督徒家庭,李亞男說自己世界單純又簡單,在王祖藍之前只有一個兩個月貨仔初戀男友。
生於虔誠基督徒家庭,李亞男說自己世界單純又簡單,在王祖藍之前只有一個兩個月貨仔初戀男友。

藍媽媽 推波助瀾

當時李亞男沒有考慮過王祖藍,連王祖藍後來也對李亞男承認,選美冠軍是自己能力與想像範圍之外,兩個人的關係開始起了微妙變化,多得祖藍媽媽推波助瀾。「我記得有一次藝人之家燒嘢食,祖藍媽媽第一眼見到我就讚我靚,跟住燒完隻雞翼又講『李小姐你好靚!』、燒完條腸又講『李小姐你好有氣質!』成晚讚完我十次八次之後,夜晚又返去同祖藍講。祖藍都話嗰晚開始留意我,然後有一次發現我個手袋隨身袋住本聖經,至真正刮目相看,覺得呢個女仔唔同其他選美出身嘅人,都幾虔誠唔係淨係追逐名利。」

祖藍爸爸在他23歲時患腸癌去世,當時祖藍仲讀緊演藝學院,由媽媽賺錢養家,祖藍對媽媽非常孝順,一有時間就陪媽媽吃飯。
祖藍爸爸在他23歲時患腸癌去世,當時祖藍仲讀緊演藝學院,由媽媽賺錢養家,祖藍對媽媽非常孝順,一有時間就陪媽媽吃飯。
暫停學業回港發展,未學好廣東話先與教廣東話的王祖藍撻著,李亞男話:「公司對我期望好高想我拍劇,所以我哋當時都放低咗段感情先。」
暫停學業回港發展,未學好廣東話先與教廣東話的王祖藍撻著,李亞男話:「公司對我期望好高想我拍劇,所以我哋當時都放低咗段感情先。」

一對一教學

也就是那一晚以後,王祖藍開始給李亞男教廣東話。話說多才多藝的祖藍一直在藝人之家教演技、教唱歌亦教語言,不過人人都是大班教授,唯獨李亞男一個可以特別享受一對一教學:「嗰陣時冇諗太多,依家諗番,係喎?得我一個嘅?又好似係有小小追嘅成分。跟住係佢約我去主題樂園玩,大家喺Space Moutain入面坐過山車,驚驚吓就拖咗手仔⋯⋯不過嗰次之後我哋冇即刻一齊,反而係去咗問牧師意見。」

李亞男與王祖藍的婚禮在主題樂園舉行,兩人第一次拖手仔,亦是在主題樂園玩過山車時發生。
李亞男與王祖藍的婚禮在主題樂園舉行,兩人第一次拖手仔,亦是在主題樂園玩過山車時發生。

冷靜期 三年零四十日

李亞男說,祖藍在遇到自己以前情路上有過不少波折,並不敢貿然開始新感情,而自己則是經驗太少,不敢自己做決定:「尤其係身邊有朋友提醒我, 我一個女仔嚟到陌生地方,第一個喺身邊出現嘅任何男性都有機會被我依賴,我都怕對祖藍嘅係感動唔係感情,最後傷害咗佢。所以牧師叫我哋畀自己四十日冷靜期先,四十日之後我哋兩個喺電話分手,大家都講到喊⋯⋯其實咩都未做過、完全未開始過, 咁都一齊喊,諗番轉頭都覺得好cute。」

李亞男與王祖藍的身高差距,曾是兩人不敢開始的原因。
李亞男與王祖藍的身高差距,曾是兩人不敢開始的原因。

身高差距

那一年不敢開始的原因,李亞男承認,其中一個顧忌的正是身高差距,兩人衡量過利害關係,始終還是怕惹人話柄。「真心嗰句,如果唔使顧及人眼光,我哋應該會更早一齊。其實自己幸福就得,又唔係犯法,事實證明,之後真係公開戀情,(身高差)都唔係寫咗好耐啫!」

李亞男指祖藍曾在情路上遇過不少波折,自己則是經驗太少。
李亞男指祖藍曾在情路上遇過不少波折,自己則是經驗太少。
分開嘅三年中,李亞男直認曾想喺身邊搵吓有冇其他人可以發展。
分開嘅三年中,李亞男直認曾想喺身邊搵吓有冇其他人可以發展。

一起傳教重燃愛火

冷靜期一過就是三年,兩人因為一起到美加佈道會傳教而愛火重燃,一回港、李亞男收到第一封Email就是王祖藍徹夜趕工寫成的歌詞《墮入凡間的天使》,然後正式拍拖:「分開嗰三年,我哋真係放低咗,我甚至有睇吓身邊有冇其他人適合⋯⋯我嗰陣時都以為係,我嘅世界可以好大,甚至喺身邊搵吓有冇其他人可以發展,不過慢慢都係發現冇人比祖藍更適合我。」

分開三年零四十日後,兩人重燃愛火,王祖藍更在2014年台慶上向李亞男跪地求婚,抱得美人歸。
分開三年零四十日後,兩人重燃愛火,王祖藍更在2014年台慶上向李亞男跪地求婚,抱得美人歸。

「我哋價值觀一致、好多嘢都一凹一凸,佢快我慢,佢複雜我簡單, 我鍾意飲紅酒佢鍾意飲朱古力奶。我自細慣咗畀人照顧,而佢係阿哥,爸爸早走十幾歲就要孭起頭家,對住屋企好有責任感,我細個好想要哥哥,佢會教我會幫我揸fit,唔好睇外形,佢內心好強大,從來唔會驚青。仲有佢好有才華,喺藝人之家教得好好,事實上係可以做教授嘅人,畢業咁多年好多嘢依家都仲可以拋書包,同埋我最敬佩佢,係咁叻都可以好謙虛,會放低自己學新嘢,又會聽我意見 ……」講到老公,就讚到冇停口!

2015年情人節,兩人在迪士尼舉行童話婚禮。
2015年情人節,兩人在迪士尼舉行童話婚禮。
李亞男讚祖藍好謙虛肯聽人意見,我問亞男,做了老闆以後、結婚以後,王祖藍是不是還肯聽老婆意見?李亞男弱弱答道:「佢追我時係聽晒我所有意見,結咗婚後,我嘅意見真係唔多,佢都知我放心畀佢安排晒所有嘢⋯⋯」
李亞男讚祖藍好謙虛肯聽人意見,我問亞男,做了老闆以後、結婚以後,王祖藍是不是還肯聽老婆意見?李亞男弱弱答道:「佢追我時係聽晒我所有意見,結咗婚後,我嘅意見真係唔多,佢都知我放心畀佢安排晒所有嘢⋯⋯」
李亞男坦承曾因祖藍內地工作太忙而患上驚恐症,之後祖藍就決定永遠出trip都一定唔會超過三個月。
李亞男坦承曾因祖藍內地工作太忙而患上驚恐症,之後祖藍就決定永遠出trip都一定唔會超過三個月。
愛煮食的李亞男,本來想去日本九個月考藍帶,亦為祖藍而決定暫時放棄。
愛煮食的李亞男,本來想去日本九個月考藍帶,亦為祖藍而決定暫時放棄。

被岳父母誤會無禮貌

從被高攀,到如今成為成功男人王祖藍背後的賢內助,李亞男說,眼前的小個子其實沒有變:「人係會成長,我都做唔到以前嘅我,佢表面上變咗,但係本質係一樣,我知佢好多嘢做又做老闆,無時無刻都好多嘢諗好多嘢度,最開頭連我爹哋媽咪都誤會佢無禮貌、點解成日講電話⋯⋯作為佢身邊嘅人,知道佢同一時間處理緊幾多嘢,可以做嘅就係返到屋企時畀佢盡情放空、畀佢落台嘅時候可以做番自己,當佢忽略咗身邊嘅嘢時,提一提醒佢,幫佢去留意見唔到嘅嘢。」

當年帶著父母與祖藍一起參加內地綜藝節目《女婿上門了》錄影,李亞男說祖藍公務纏身又不苟言笑,一開始連父母也對他頗有微言。
當年帶著父母與祖藍一起參加內地綜藝節目《女婿上門了》錄影,李亞男說祖藍公務纏身又不苟言笑,一開始連父母也對他頗有微言。

順道一提,李亞男說王祖藍個子雖小,喜歡的東西卻都偏大:「所以佢揀咗我做老婆,又喺大埔買咗依家呢個三千幾呎嘅屋企,喺出邊做嘢辛苦,佢真係好需要一個屬於自己嘅地方好好放鬆。」

記得當時跟剛剛因為代唱冒起頭來的王祖藍第一次做訪問,他就說過要買大屋、要給媽媽最好的生活,十年而已超額完成,這就是為甚麼個子小小的他,為甚麼身影總是很高大。

李亞男早前33歲生日,同祖藍一齊食魚生慶祝兼放閃。
李亞男早前33歲生日,同祖藍一齊食魚生慶祝兼放閃。

 

 

延伸閱讀:

《延禧》富察皇后秦嵐同應采兒崩壞照絕密流出!網民竟然認唔出富察皇后…

其他內容