李璨琛細女Sucy被貪玩媽媽塞入紙箱 網民嚇親：為咗呃like走火入魔

李璨琛（Sam）和老婆梁志瑩（Sophia）育有兩名精靈可愛囡囡，大女李元元（Lucy）憑可愛外形同古靈精怪表情，深得網民愛戴；媽媽幫佢經營嘅社交帳號更擁有40.6萬位追蹤者，勝過好多網紅。至於妹妹李斐斐（Sucy）喺今年2月亦順產出世，肥嘟嘟嘅佢被媽媽改花名叫做「炳強」。性格貪玩嘅媽媽不時上載囡囡嘅搞笑、得意相片及影片到社交網站同粉絲分享，成功為唔少網民帶嚟歡樂。Lucy媽媽過往多次因言論及被批畀Lucy拋頭露面而惹來熱議，去到近日佢將Sucy放入紙箱此舉動，再一次被網民聲討。

近日Lucy媽媽上載一段Sucy喺一個好似鞋盒咁大嘅紙箱入面，Lucy表現高興咁將紙盒打開，不過箱入面嘅Sucy就好似有少少不安。Lucy媽媽已經將影片刪除，不過有網民將截圖上載到討論區，結果引起網民熱烈討論，留言鬧爆佢：「告唔告得虐兒」、「為咗呃like走火入魔 連蓋都冚埋一陣焗親點算」及「這位阿媽腦袋有問題」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！