東京奧運|TVB搵李靄璣評述 被指欠專業兼唔撐港隊惹網民不滿

·2 分鐘文章
李靄璣
李靄璣

2020東京奧運嘅各項比賽正進行得如火如荼,觀眾可以透過ViuTV、TVB、香港開電視、Now TV及有線電視收睇直播。而無綫今年就搵嚟經驗豐富嘅主持人,帶領多位新力軍為奧運賽事評述。

喺噚日,J2《2020東京奧運 早上直送》播放香港對法國嘅混雙乒乓球八強賽事,期間由歌手林奕匡太太李靄璣(Rikko)、鄭衍峰、吳卓衡、「後生仔」黃紫恩及教練兼旁述鄧國基擔任主持。有香港隊嘅賽事,觀眾當然會特別關心同著緊,而噚日嘅賽事亦都非常緊湊,主持們都評述得非常投入,不過李靄璣嘅表現就令網民相當不滿。原因係佢不停插嘴、破壞氣氛同埋喺港隊失球時話:「法國隊心理質素好好,打逆境波都打出幾好質量。我都幾欣賞法國隊嗰邊,鍾意體育嘅人係兩邊都支持嘅,最緊要打出一場好波。」連坐喺佢隔離嘅鄭衍峰都睇唔過眼,出聲話:「唔准,唔可以欣賞法國隊。我哋唔要精彩賽事,我哋要贏!」 最後法國隊勝出時更爆出一句:「我哋法國隊就勝出咗喇!」

節目出街後,唔少網民紛紛留言狂轟佢唔專業同「手指拗出唔拗入」,例如「勁想叫佢收聲,留返俾專業評述講啦大佬。影返廠景就淨係掛住追鏡頭笑」、「不知所謂!佢唔撑香港都唔好出聲,聽到佢把聲就嬲,立即轉台!」及「我都好少話人,但今次真頂佢唔順」等等。

李靄璣
李靄璣
李靄璣
李靄璣
李靄璣
李靄璣
李靄璣
李靄璣
李靄璣
李靄璣
李靄璣 & 林奕匡
李靄璣 & 林奕匡

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能