【東京絕美富士】一樣都係富士山，點解人地影嘅硬係靚啲？

講起日本，您覺得最能代表「日本」嘅自然風景係咩呢？喺您心入面，最經典嘅日本風景係唔係巍峨嘅富士山呢？富士山係日本第一高峰，喺日本人嘅心中，富士山具有神聖且不可侵嘅地位。而日本政府更係2013年成功申報，令富士山成為「世界文化遺產」。富士山得一座架咋！但風景就有過百種，咁到底點先可以影得富士山好靚呢？而家等KKday一次話您聽：

1. 逆富士

圖片來源：https://www.instagram.com/p/BD8K-xSt7k_/?taken-by=samy631

首先要同大家介紹嘅係逆富士，所謂逆富士即係指富士山喺湖面上嘅倒影，透過湖水嘅反射構成一幅介乎虛實之間嘅美景。不過要遇到逆富士都唔係咁容易，除咗必須要喺太陽仲未升起之前就去到湖邊等之外，仲要係一個無風無雲嘅天氣下，先有機會可以一睹逆富士嘅風采。

2. 赤富士

圖片來源：https://www.instagram.com/p/BDB-e20vqUb/

既然逆富士係指富士山嘅倒影，咁大家係咪已經都可以估到咩係赤富士呢？赤富士係指透過清晨陽光嘅照射下，富士山嘅山頭由白轉成橙紅嘅景象，係日本藝術界中就成日可以睇到以赤富士為主題嘅畫作，日本人更將赤富士視為係吉祥嘅象徵。

3. 笠雲

除咗光影上視覺變化之外，富士山上雲嘅變化都係好值得睇架。好似相入面富士山嘅頭頂就好似帽咁嘅雲叫做「笠雲」，笠雲又會依照雲層嘅層數分為一段雲、二段雲….，通常一、二段雲最常見，據說最多曾出現過五段雲。

過去日本人成日會透過觀察富士山上雲嘅變化嚟預測天氣，而笠雲出現時，更代表天氣狀況開始唔穩定，有可能會變凍、下雨，要多注意天氣變化。

圖片來源：https://www.instagram.com/p/BDF12KaBCjy/

咁如果想一睹富士山嘅美到底要去邊度呢？ 富士山橫跨山梨縣同靜岡縣兩地，一般富士山旅遊，小編就會首推富士五湖區，而富士五湖即係河口湖、山中湖、西湖、精進湖、本栖湖，呢五個湖泊都係因為富士山噴發而形成嘅堰塞湖，其中河口湖交通最方便，觀光地方都比較多，所以係去富士山觀光嘅第一選擇。時間如果夠嘅話，除咗富士五湖地區，都可以順道將以溫泉、海賊船聞名嘅箱根一齊列入係行程入面。

>>>現在就到東京富士山吧！

▲認識KKday▲
KKday-世界旅遊體驗網站，在全球 53個國家，170 個城市， 有 3000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁：www.kkday.com
KKday Facebook: KKday