林作鍾培生互指對方曾語言暴力 出口術互寸

·2 分鐘文章
林作鍾培生互指對方曾語言暴力 出口術互寸

藝人林作與鍾培生將於9月舉行「百萬拳賽」,近日齊為J2綜藝節目《Mean Talk》任首集嘉賓,實行為賽事造勢!二人更於受訪前簽署「Mean爆生死狀」,承諾必定會講真話,與林作向來形影不離的裕美,也有低調現身錄影廠,笑指只是探朋友,並非撐男友場。

平日愛於公開場合開火的鍾培生與林作,未正式錄影已交足戲,坐得離行離列之餘,鏡頭外亦鮮有交流,還同聲指私下零交流,所有事均交由經理人處理,鍾培生更直言討厭林作:「我睇唔過眼佢成日蝦人,最討厭佢抽其他人水,連死人嘅水都抽.....唔鍾意佢蝦女人,曾經有人私信我,話林作鬧佢哋Piece of Sxxt。」林作亦反擊指自己也有收到朋友私訊,指被鍾培生語言暴力,揚言會找證據對質。

之後兩人你一言我一語,鍾培生不諱言有信心打爆林作可大快人心:「我覺得如果喺擂台上打倒林作,係會令好多人歡笑嘅。」主持江美儀追問他會否覺得此舉有宣揚私恨之意?對此他回應:「都係以其人之道還治其人之身啫。」

而林作對於早前母親以一百萬欲阻止他繼續參與拳賽,不過他嫌對方「出手低」:「我媽好煩,成日玩我!我覺得佢應該畀多啲,我係佢個仔,想我唔玩?至少都畀多50、100萬啦!」還自爆平日愛Loop討論區留言,非常得閒:「我留完言就走,唔會理人哋再點回我,我係好得閒,咁會有食飯、瞓覺同去廁所嘅時間,咪嗰個時間留言。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能