林峯處男現身ViuTV 唔怕無綫呷醋

·1 分鐘文章
佢話以歌手身份上去,所以唔怕無綫有微言。

藝人林峯今日(18日)首次現身ViuTV,宣傳與鄧智偉合作的新歌《幼稚未完》,他說:「都幾開心啲隻歌上咗幾個音樂榜,加上依家疫情打亂影視工作安排,我咪做多啲音樂方面嘅工作先囉。」

他笑言首次亮相ViuTV感覺新鮮,問到可擔心無綫呷醋,他說:「我係以華納歌手嘅身份亮相音樂節目啫,況且我聽日都錄影《勁歌金曲》。」他直言與無綫已沒有任何合約。而其主演劇集《黑金風暴》將於有線播放,問到他會否亮相所有電視台來次「大滿貫」,其經理人則表示:「度吓期先!」

至於影視工作安排,接下來是否參演英皇電影《黑幕》,與郭富城及任達華等合作,他坦言:「經理人公司同電影公司方便傾談中,仲未落實,主要係因為疫情影響工作安排。」

談到歲半囡囡,他即笑到合不攏嘴:「佢都多嘢講,講埋啲BB話,好彩疫情下留佢喺身邊,如果唔係錯過好多成長印記。(讀書方面點安排?)舊年我已經填咗好多表格,幫佢分別報讀中、港嘅學前班及幼稚園,不過因為疫情學校閂晒門,惟有留喺屋企教學。(帶佢去行山?)係呀,因為屋企附近都有(山),抖吓氣都要,最緊要唔好人群聚集。(追多個?)順其自然,不過都想追多個陪佢。追到仔湊成『好』字梗係好,如果多個妹妹都OK啦。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能