林愷鈴入馬場想下注碰運氣 劉俊謙自認大愛 飛甩女友

藝人劉俊謙與林愷鈴昨日現身馬場活動，獲贈名錶的劉俊謙稱該腕錶將會是其首枚收藏品，打趣謂平時只收藏耐性、溫柔、愛心及魅力再發放出來，但「收藏品」卻非女友專享。而早前跟Edan（呂爵安）拍MV的林愷鈴，大讚對方有才華又敬業，直認是自己喜歡的類型，笑言大家追啱偶像。

藝人劉俊謙以形象大使身份聯同女星林愷鈴昨日以盛裝現身沙田馬場，出席2021東方表行60週年沙田錦標「時尚煲呔賽馬日」，席間劉俊謙獲東方表行董事總經理楊衍傑及太太送贈名錶，他坦言平時甚少獲贈如此厚禮，該腕錶將會是他的首枚收藏品，並自幽一默說對物質追求少，平時收藏耐性、溫柔、愛心及魅力：「喺適當嘅時候再攞出嚟畀大家。（呢啲『收藏品』唔係女友蔡思韵獨有？唔怕佢呷醋？）我好大愛，I Love Everybody！佢亦好大方，唔會呷醋。（對異性都係咁會引嚟誤會喎！）咁異性我會識得避忌。」

另外，他自認跟馬有緣分，有中學同學畢業後做見習騎師，他小時候跟父母學過策騎，現計劃再學，問到會否跟女友浪漫策騎？他卻笑言要飛甩女友：「策騎期間要同馬匹溝通建立默契，一齊嘅話只會掛住同佢溝通。」

林愷鈴鍾意Edan呢類型

至於林愷鈴首次現場欣賞賽事，大感刺激，並有意下注碰運氣：「我相信自己直覺，我對名比較敏感。（對男仔都係靠直覺？）我信緣分同一見鍾情，我係浪漫派。」最近她為Edan的新歌MV擔任女主角，問到是否令同學非常羨慕？她稱大家都讚好看：「我好多朋友都鍾意Edan，佢哋追啱偶像，Edan敬業又友善。（係咪你鍾意嘅類型？）係大家都鍾意嘅類型，佢咁有才華大家都鍾意。（你直覺覺得佢點？）有才華，佢當個MV係佢嘅仔，參與度好高，唔會任人安排，好有心。」