楊受成豪買賽艇供藝人消遣

【星島日報報道】上周六是周家怡的生日，獲英皇老闆楊受成為她舉行生日船P，一班同門藝人關智斌（Kenny）、衛詩雅（Michelle）、陳國邦、曾樂彤、李靖筠（Gladys）、艾妮、黎峻、劉若寶及郭思齊齊為老闆的新快艇作「下水禮」。壽星女家怡表示：「多謝老闆為我準備生日蛋糕，多謝各位兄弟姊妹陪我切蛋糕，好開心成為英皇一分子，真係好似大家庭，超級感動！仲有要多謝Kenny、Michelle同Gladys之前向老闆表達鍾意wakesurf，老闆就二話不說買隻專業比賽用 wakesurf船畀我 玩，真是超級好老闆，咁樣 老闆去邊度搵？」

Kenny也喜出望外老闆為他們買船：「冇諗到老闆因為我 一句話鍾意玩wakesurf，唔夠一個禮拜，佢就話畀我 聽買 架新船，仲係full option，即係最高規格要 比賽 船，好感動。」Kenny更充當教練負責指導師弟妹。但陸上「女車神」家怡出海卻「蝦碌」，Kenny爆壽星女跌了好多次之後似想放棄，但眾人不准她上水，一定要她放繩行到為止，在強逼下終於完成。文：娛樂組

■關智斌玩wakesurf確係勁。

■楊受成更預備了乳豬蛋糕為周家怡慶祝。

■關智斌、衛詩雅及陳國邦都有出席船P。

娛樂