楊洛婷疑半夜發文爆Dear Jane主音老公偷食 轉頭刪post惹懷疑

下個月就40歲嘅楊洛婷（Rabee’a），同Dear Jane樂隊主音黃天翱（Tim）結婚7年，一直予人恩愛感覺。不過有網民就聲稱睇到Rabee’a今日凌晨疑似喺Instagram發限時動態，黑底白字寫住MY HUSBAND CHEATED ON ME（我老公偷食），仲標記埋Tim嘅IG 帳戶，惹人嘩然！但係而家上Rabee’a IG就見唔到有關帖文，亦冇再發限時動態作出解釋或澄清，成件事相當可疑！

而Tim嘅IG 帳戶暫時未有動靜，未知兩公婆係咪有嘢要處理。5日前Rabee’a都有出post分享家庭樂，未見異樣。

港姐出身嘅楊洛婷2014年離開TVB，全身投入商演司儀工作，由於英語了得，Rabee’a一直有唔少job，收入豐厚。2018年兩公婆以2千幾萬購入清水灣名人豪宅傲瀧單位，街坊有關智斌、少爺占、周柏豪、袁偉豪等。Rabee’a同Tim嘅大女子霏今年4歲，而去年Rabee’a宣布再懷孕，細仔Tristan上年6月出世。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！