喺處境劇《愛．回家之開心速遞》飾演「舅父」KC嘅歐瑞偉，日前忽然宣布即將離開《愛．回家》劇組，令網民都好擔心佢同Terry呢對《愛．回家》嘅「最強CP」將會冇好結果，仲有人話要罷睇㖭！不過歐瑞偉就回應話佢只係離開個幾月返內地拍《包青天》外景，拍完之後就會「回家」重投Terry懷抱！

撰文：東方新地
圖片：新傳媒圖片庫、歐瑞偉IG

歐瑞偉：只係離開個幾月

歐瑞偉喺《愛．回家》中因為同「Terry」李偉健嘅曖昧HeHe情而大受歡迎，日前佢出席一個活動時，喺台上預告將會離開《愛．回家》劇組，仲話：「喺呢個月底會有三集都係講我，係一個幾特別嘅經歷，好開心，但係都好傷感，不過傷感得嚟，又好好笑喎，真係好多謝劇組，可以令到呢套劇咁多人鍾意！」呢段說話一出，即有網民問「Terry點算？」甚至話要罷睇《愛．回家》，不過歐瑞偉就話佢只係返內地拍《包青天》：「大約會拍個幾月，拍完之後就會投入番《愛．回家》嘅劇組。」仲叫大家千祈唔好罷睇㖭！

網民最喜愛的《愛．回家》HeHe情侶

拍得住當年《真情》集數嘅《愛．回家》 系列，現在依然《開心速遞》中，是香港人食飯時嘅最佳配菜，已經播到第三輯嘅《愛．回家》 出咗唔少對讓觀眾津津樂道嘅熒幕情侶，每一對情侶嘅愛情故事都刻骨銘心，有歡樂有悲傷。Terry(李偉健飾) 同KC (歐瑞偉飾)呢對活寶每次出場都笑料百出，佢哋兩人嘅關係錯綜複雜，既係兩師徒又係好拍檔，仲上演過男男SM戲碼，趣味性十足，亦看得出兩人嘅感情十分好！

周海媚入行33年不婚不育：因為血小板過低

鄧健泓MV六星助陣 《閃電傳真機》拍檔力撐

延伸閱讀：

胡杏兒堅持女人終身事業 追仔照keep fit