【歡樂滿東華】睇到尷尬癌!鄭希怡空中飛人甩褲露底 識睇必睇「卡拉之星」

【歡樂滿東華】睇到尷尬癌!鄭希怡甩褲露底 識睇必睇「卡拉之星」

慈善SHOW《歡樂滿東華》除咗高難度表現咁綽頭之外,以往仲有唔少睇到人好尷尬嘅場面,首選必定係「卡拉之星」呢個環節。畢竟係直播show,失手在所難免,不過就會名垂千古囉。

空中飛人Yumiko 慘遭「剝褲」

【歡樂滿東華】睇到尷尬癌!鄭希怡甩褲露底 識睇必睇「卡拉之星」
【歡樂滿東華】睇到尷尬癌!鄭希怡甩褲露底 識睇必睇「卡拉之星」

2006年《東華》安排嘅高難度表演,由錢嘉樂、黃德斌拍住鄭希怡(Yumiko)、Amanda S及胡定欣表演空中飛人,當黃德斌接住Yumiko喺半空「交」俾錢嘉樂嘅時候,因為服裝問題令錢嘉樂捉住Yumiko大腿後,不慎扯甩Yumiko條褲,令對方春光乍洩。由於節目直播進行,Yumiko露股畫面出現電視上近10秒。事後Yumiko傷心爆喊,但係司儀之一曾志偉居然問「有冇得慢鏡睇多次?」,備受非議。

真正重頭戲︰卡拉之星

【歡樂滿東華】睇到尷尬癌!鄭希怡甩褲露底 識睇必睇「卡拉之星」
【歡樂滿東華】睇到尷尬癌!鄭希怡甩褲露底 識睇必睇「卡拉之星」

《歡樂滿東華》出名節目時間長,做到凌晨3、4點司空見慣,而且午夜前後例必有粵劇演出。但係喺1998年起,名為「全台藝員卡拉之星大唱遊」嘅環節成為壓軸好戲,甚至令唔少觀眾寧願養足精神都要起身睇!「卡拉之星」玩法係由藝員親自搵人贊助,籌款額最高嘅10位就可以喺全港觀眾面前高歌。難得喺大台SOLO,唔少藝員chur到盡搏入十強,連表演都好落力。台柱分別有薛家燕、王俊棠、王維德,經典演出就有家燕姐唱Nobody、王維德以手語演繹歌曲等,諗起都想睇!

周一嶽唱《忘不了你》技驚四座

【歡樂滿東華】睇到尷尬癌!鄭希怡甩褲露底 識睇必睇「卡拉之星」
【歡樂滿東華】睇到尷尬癌!鄭希怡甩褲露底 識睇必睇「卡拉之星」

藝人上《東華》之餘,連高官都有份!2011年,時任食物及衞生局局長周一嶽,上《東華》唱歌籌款籌得100萬,個演出仲搵埋管弦樂團伴奏,係威係勢咁款。點知周醫生嘅歌藝真係震驚100億地球人,演出片段迅速廣傳,事後仲有人戲稱佢係「官場技安」。之後周醫生都喺唔同場合公開表演,包括喺公民黨周年晚宴上,同黃耀明合唱《禁色》,嘩~~~

【相關搜尋】鄭世豪「卡拉之星」成功solo