歡樂滿東華2022|郭柏妍與林敏驄唱歌走音 被狠批芊芊魔音:上天好公平 靚女但魔音

《歡樂滿東華2022》截圖
歡樂滿東華2022》截圖

東華三院年度籌款節目《歡樂滿東華2022》於上周六(3日) 圓滿結束,眾藝人為籌款落力表演,結果總善款打破去年紀錄;今年唔少表演都令觀眾印象深刻,其中由林敏驄帶領郭柏妍、鄧智堅、關曜儁、文凱婷及何晉樂演唱《下流上車族》主題曲《一家人》環節中,郭柏妍被批五音不全,唱歌似魔音。

郭柏妍演繹《一家人》被網民狠批狂走音,仲幫佢改咗個名叫「芊芊魔音」;一班網民更留言表示郭柏妍唱得好落力但好難聽:「忍唔住留言,咁難聽都可以上台唱?」、「上天真係好公平,咁靚女但魔音」、「可以一個人玩爛成個節奏」、「唱歌佢真係要特訓!」、「浴室歌手 期待妳日後歌藝進步」、「上天賜予美貌俾你,但係就奪去你嘅歌聲!」、「一開口真係驚為天人」及「你要找車總惡補下唱歌」等等。就連林敏驄事後都忍唔住將歌唱片段PO上Facebook,並寫道:「芊芊魔性大發」。但都有部分網民就支持郭柏妍,表示:「芊芊唔係唱歌出身,唔識唱唔好聽就梗架啦」、「大把人唱K難聽過芊芊,加油」、「證明到唔係假唱,係唱Live嘅」等等。

郭柏妍於表演前已經大讚林敏驄係「行走CD」,對於自己被指唱歌難聽,郭柏妍接受媒體訪問時表示,表演前已瘋狂喺屋企唱,唱到屋企人都識背,指下次一定付出200分努力。而林敏驄提到如果幕後人員知佢一開聲係咁,就應該畀啲和音同埋唔好推到佢把聲咁大。

《歡樂滿東華2022》截圖
《歡樂滿東華2022》截圖
《歡樂滿東華2022》截圖
《歡樂滿東華2022》截圖
《歡樂滿東華2022》截圖
《歡樂滿東華2022》截圖
《歡樂滿東華2022》截圖
《歡樂滿東華2022》截圖
郭柏妍
郭柏妍
郭柏妍
郭柏妍

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!