波波密語:爆飯局驚魂 李亦喬飲多兩杯 險被硬上弓

牛雜妹與波波同是有料之人,講到「不幸遭遇」難免感同身受。
牛雜妹與波波同是有料之人,講到「不幸遭遇」難免感同身受。

《繽FUN星網》新推出泰國地道美食平台After5特約節目《波波密語》,繼續由36E「無綫性女」黃婧靈(波波)獨挑大樑做主持,今集邀得「牛雜妹」李亦喬(Monnie)上陣講私密Girls Talk。兩女歎住紅酒傾心事,愈飲愈High的Monnie還驚爆曾遇上猖狂老闆,當堂嚇窒波波!

以牛雜檔太子女身份先後兩度參加選美,雖然均鎩羽而歸,但心口掛個勇字的Monnie,與其36C上圍一樣的進擊,決意繼續闖娛樂圈。對於圈中的所謂潛規則,她坦承有過類似經歷,兼且是新鮮滾熱辣發生的事,對方更瞄準Monnie於醉酒狀態下「出手」,非常猖狂,她說:「呢個人係某公司嘅老闆,當晚大家飲咗酒,佢突然捉咗我去一間房,之後表白話好鍾意我,話想開幾多戲都得,叫我珍惜呢個機會,仲撳住我……」Monnie講到繪聲繪色,波波聽到眼都凸,還八卦地追問老闆真實身份。

愛莫能助 愧對家人

談到家族經營的牛雜檔,早前曾與業主發生金錢糾紛,最後雙方對簿公堂,Monnie對此大表無奈:「我只係能力上幫,錢銀上主力係爹哋媽咪搞。件事係發生喺疫情期間,舖頭同業主有啲財務上嘅糾紛,中間經歷咗好大周旋嘅時期,亦上過法庭,去到最後其實可以話係解決咗,但並唔係一個理想圓滿嘅解決方法,因為都係要畀好大舊錢去延續舖頭嘅生命。我覺得自己愧疚,幫唔到屋企人解決問題。」

李亦喬決心闖蕩娛樂圈,縱遇上荒唐事亦不改初衷。
李亦喬決心闖蕩娛樂圈,縱遇上荒唐事亦不改初衷。
波波雖然工作忙碌,但也相當注重飲食。
波波雖然工作忙碌,但也相當注重飲食。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能