雅虎香港新聞 Yahoo Travel HK
泰國航空因安全問題 遭多國禁飛
10月10日一輛由曼谷飛往澳洲布里斯本嘅泰國航空（Thai Airways）航班，中途發生燃油洩漏事故，要即刻折返，幸好仍能安全降落，總算有驚無險。其實泰國航空原來已經屢次發生安全事故，因為呢個安全原故，日本同中國都已經禁飛泰國航空及其子航空公司一切航班，直至另行通知。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
根據「國際民航組織」今年1就泰國民航局作出評估，包括機組人員、可信度、意外調查等多方面作出評分，而得出嘅報告係指「有重大安全隱患」嘅國家，都咪話唔驚！報告一出之後，日本就係今年3月正式宣布禁止泰國航空嘅航班，而增加其他幾條泰國嘅航空公司例如Thai AirAsia X、Nok Scoot航空等。至於中國方面，同樣喺4月開始禁飛泰國航空、泰國東方航空、Sky View航空等多間泰國嘅航空公司。估計經過今次布里斯本漏油事故之後，估計歐、美等國家都會開始考慮禁飛問題。至於香港方面，就暫時未有禁飛嘅情況，泰航嘅航班又的確比確平，香港來回曼谷連稅都係8百多，不過搭唔搭，睇你膽力喇！
泰航服務出名好，不過安全問題就未解決喇。
（圖：upularous@tumblr）
曼谷飛往布里斯本嘅航班，途中發生燃油洩漏事故。
目前中國及日本都已經禁飛泰國航空。
（圖：wanariefimran@tumblr）
有關文章：
