洪永城梁諾妍宣布結婚 一文睇晒二人歷年情史

洪永城（Tony）與梁諾妍（Inez）拍拖3年感情穩定，仲越愛越高調，早前更傳出二人好事近，去到今日佢哋上載結婚照片宣布婚訊：「我哋要結婚啦！」，真係恭喜晒呀！

37歲嘅洪永城（Tony）喺05年畢業後加入有線電視，08年轉投Now寬頻電視，再到12年過檔無綫，除咗拍攝旅遊節目之外，Tony更參與唔少劇集。Tony出道至今都有唔少緋聞，被外間封為媾女王。12年佢與任職金融界的圈外女友Emily拍拖四年，不過就被傳背住女友媾女而導致分手收場。去到13年佢與唐詩詠因拍《載得有情人》撻著，可惜二人於17年因了解而分開。2018年洪永城就與梁諾妍相戀，自此變得修心養性，去到今日更宣布與Inez拉埋天窗。另外，Tony其實過往都有唔少緋聞女友，當中包括黃翠如、蔡思貝及林夏薇等等。

33歲嘅梁諾妍（Inez），喺2010年於多倫多大學畢業，之後就返香港做模特兒，因甜美樣子及42吋長腿，被網民稱為「長腿冰女」。除咗模特兒工作，Inez亦有參與劇集及電視節目拍攝，例如《歎息橋》、《全職媽媽放大假》及《駕到西澳》等等。鏡頭外嘅Inez係一個熱愛運動嘅女仔，成功考獲考長跑教練牌、健身教練牌及HIIT教練牌，17年更開設個人健身中心。入行多年嘅Inez形象正面又健康，同洪永城拍拖之前零緋聞，喺同Tony拍拖前就有一位身處北京嘅拍拖多年男朋友。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！