港女講日：女人買嚟做乜？ 3樣最令日本男人癢爆頭之物

港女講日

女人天生鍾意買嘢就係人都知，買衫買鞋買化妝品呢啲全部都係基本，不過除咗扮靚嘅嘢之外，原來仲有啲奇奇怪怪嘅嘢女仔都好鍾意買架喎，而男仔好多時諗極都諗唔明，點解佢哋會買啲咁嘅嘢。最近日本有生活網站《WooRis》訪問咗500名已婚男性，發現咗有三樣嘢，佢地諗極都諗唔明點解老婆／女友們要買，不話時話，女生夠唔明點解男人要打機、要買貴音響！

1. 偏愛美容機器
日本女性貪靚就係人都知，佢哋花好多時間投資係塊面身上，化妝品、美容護膚品呢啲基本野就唔使講，但佢哋真係好鍾意玩「美容機器」，好似係洗面機、導入機等等，不過好多時佢地買返嚟用幾下又唔用，又可能出咗時款又要即時換機（其實係男人心目中咪又係一樣），呢個時候老公就難免覺得嘥錢囉。

2. 課金玩遊戲app
係芸芸手機app之中，手機遊戲可以話係女性生活上不可缺少嘅一環，尤其係個類育成遊戲、戀愛遊戲等，而呢啲遊戲入面好多時候都要畀錢先可以升Level，或享用更多福利，而日本女性係呢方面係絕對唔會孤寒，而係男人角度睇梗係一頭霧水啦。

3. 無聊生活裝飾品
日本女仔除咗會花好多時間打扮自己，都會好有心機咁裝飾自己屋企， 不時會買好多得意嘅裝飾品買返屋企。不過係男方角度，呢堆嘢全部都「唔等使」之物，難免會覺得女方係嘥錢囉。

相片來源：mouange ＠tumblr