港姐2023︳落選胡睿涵疑暗寸莊子璇扮晒嘢 姜依宁emoji留言暗撐
2023年度港姐決賽曲終人散,被稱為「港版IU」嘅莊子璇(Hilary)憑住夠pure夠true嘅外表、就讀港大同乾淨背景,以大熱姿態贏得后冠。雖然Hilary曾被傳出係「雙面人」,但無礙佢成為新一屆港姐。不過選完先係是非嘅開端!
今屆年紀最細嘅佳麗胡睿涵Hanna,決賽過後喺IG post咗一張購物袋嘅相,下面寫住「好能裝 像你一樣」,明眼人一睇就知寸緊人扮晒嘢(很會裝),而且玩諧音(裝,莊),矛頭直指莊子璇!
識睇一定睇留言,今屆友誼小姐姜依宁用emoji回覆,似乎係知道內情。有網民以為胡睿涵呢個post係寸緊亞軍王怡然(Lynn),Hanna就留言話「不可能說Lynn」,擺明分清邊個先係敵人。而其他網友亦因為今屆佳麗背景同賽果等話題掀起罵戰。
18歲嘅胡睿涵係今屆最年輕港姐佳麗,但亦都係最高同上圍最豐滿嘅一位,喺家人鼓勵之下報名選港姐。Hanna係本屆DSE考生,放榜當日身在越南拍外景,要由老師通知成績。Hanna未有透露分數,只係話取得理想嘅成績,視藝科考得比想像中好。胡睿涵話會繼續讀書,睇吓有冇心儀大學取錄。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!