【激罕多謝陳自瑤】王浩信憑「盲俠」創先河封雙料視帝

·1 分鐘文章
【激罕多謝陳自瑤】王浩信憑「盲俠」創先河封雙料視帝
【激罕多謝陳自瑤】王浩信憑「盲俠」創先河封雙料視帝

《萬千星輝頒獎典禮2020》視帝之爭,賽前喺《使徒行者3》演大反派嘅馬國明放晒風,話攞到呢個獎就會同湯洛雯結婚,雖然唔少人都想佢攞獎加結婚,不過睇走勢都係《踩過界II》王浩信、《使徒行者3》林峯同埋《反黑路人甲》張振朗呼聲最高。最終由飾演「盲俠」文申俠嘅王浩信稱帝,喺節目中攞咗馬來西亞視帝嘅雙料封王,計埋2017年攞視帝嗰次,佢就係首次憑同一角色攞2次視帝嘅人,創下電視史上新紀錄。

相關文章:擊敗強敵龔嘉欣 蔡思貝逆轉贏視后

喺講致詞時,王浩信除咗感激無綫15年嚟嘅栽培,仲開腔感謝家人:「多謝太太Yoyo(陳自瑤)悉心照顧阿女。」唯鏡頭一轉影住陳自瑤,她卻沒甚表情。廣告期間全台藝人站在台上等頒劇集獎時,陳自瑤經過王浩信身邊有主動攬攬對方。

而憑《踩過界II》奪視帝的王浩信於台上未知是否太興奮,竟然多謝《反黑路人甲》嘅台前幕後。