擊敗強敵龔嘉欣 蔡思貝逆轉贏視后

·1 分鐘文章
擊敗強敵龔嘉欣 蔡思貝逆轉贏視后
擊敗強敵龔嘉欣 蔡思貝逆轉贏視后

《萬千星輝頒獎典禮2020》最矚目獎項之一嘅「最佳女主角」賽前鬥得難分難解,《殺手》龔嘉欣、《踩過界II》蔡思貝、《反黑路人甲》高海寧勢均力敵,3女當中龔嘉欣被睇高一線,雖然佢率先攞咗馬來西亞視后,不過最終由蔡思貝飾演嘅「癲姐」力壓群雌,爆冷封視后,好姊妹何雁詩飛撲獻吻祝賀,一班好姊妹臨尾出盡法寶幫她拉票可謂功不可沒。

相關文章:【激罕多謝陳自瑤】王浩信憑「盲俠」創先河封雙料視帝

思貝表示3年前首次獲頒「我最喜愛電視女角色」獎時,於頒獎台上諷刺表示自己也不喜歡自己,而3年後的今天,認為自己成長及經歷也不少,感謝身邊一直陪住她走向前的朋友,湯洛雯、楊秀惠、王君馨等一班姊妹,她說:「多謝大家對我包容,好多地方我做得未夠好....7年嚟成日聽到人講都係打份工,唔使咁搏,但我係有熱誠同團火,有執着先成就到角色,我並因為執着先得罪人,我會改。」