無制限探險隊｜咖喱黃雅慧大派福利 比堅尼Look上陣迷暈網民：10星黃金畫面get

以「黃金畫面」為關鍵主題嘅ViuTV節目《無制限探險隊》正在熱播中，節目由「格仔導演」劉諾衡（Mike導）主理，並搵嚟P1X3L成員Marco（葉振弘）及「小薯茄」程人富擔任主持，而曾參加《全民造星IV》嘅「咖喱」黃雅慧（Kelly）就擔任隨行醫生，帶大家遠赴非洲唔同嘅國家，拍攝野外生態同體驗野外歷奇生活。噚晚（6日）播出一集就以「拍咗唔好嘥」為主題，當中最令網民興奮就係咖喱大派福利，以比堅尼Look上陣嘅「黃金畫面」。

喺噚晚播出嗰集，有唔少零散嘅素材，而當中最吸睛嘅咖喱著上藍色比堅尼喺泳池介紹非洲天氣：「大家印象中嘅非洲都係非常炎熱，但係肯亞位於南半球，同埋因為高原地勢，所以全年氣溫非常清涼，朝頭早大概20到25度，夜晚或者凌晨就10到15度，而家啱啱日落真係好凍。」節目播出後，唔少網民紛紛留言大讚咖哩好靚及指難以集中聽佢講嘢，例如「乜咖哩咁有料」、「多謝你呀Mike導」、「真正黄金畫面」、「影得咖哩幾靚」、「完全冇聽咖哩講咩」、「十幾集, 今日最黃金」、「10星黃金畫面get」、「咖哩笑係真係charm 個笑容好好」、「啱啱幾分鐘咖哩講過乜 聽唔到」、「見到咖哩岩岩幾個shot 我戀愛了」、「咖哩真係好正」、「咁正得唔得架」及「最黄金畫面，咖喱水著」等等。

之後，節目公開男友視覺嘅影片，而負責操刀嘅Agent L（曹梓冲）就笑到見牙唔見眼，並講出一句：「有Feel」，有唔少網民都搞笑留言表示擔心Agent L，例如「Agent L 仲想唔想結婚」及「Alfred今晚又要跪玻璃」等等。其未婚妻Elsie喺IG出Story：「今晚一定要睇！非洲之旅唯一一個item…係佢做完之後...我嬲咗佢...」，可能呢個Story令唔少人誤會Elsie喺到呷醋，所以之後佢再出Story解釋佢嬲嘅係Agent L喺非洲飲醉後紋咗一隻斑馬喺背脊：「天大嘅誤會，好多人都以為我嬲呢樣，呢個ITEM我事先直程唔知，點嬲，知都唔會嬲～做嘢咋嘛」及「嬲嘅係呢樣...無啦啦有日起身就收到呢張相...唔知講咩好...只係驚佢細菌感染...其實我唔係嬲...但我係完全接受唔到...記得嗰幾日心情好複雜...又唔可以同佢見面...想像唔到呢一世要對住隻斑馬...但同時知佢仲有好多嘢拍...唔想話佢......而家有時佢背住我......我就會同佢講...「有隻斑馬望住我」....」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！