無懼疫症拒絕禁足 4成英國年輕人聖誕準備出遊
香港防疫尚算穩健,未有新一波爆發,但其實新冠肺炎於歐洲並無消退跡象,英國剛宣佈新一輪維持4星期嘅禁足令,不過民眾已經極為不滿,最新民調就顯示4成年輕人表示聖誕期間一定會外遊。英國11月4日創出自5月以來單日最高病亡人數紀錄,一日有492人死亡,25,000多人確診,累計已經有110多萬人確診及48,000多人死亡。
首相Boris Johnson再次公佈新一輪4星期禁足令,表示明白民眾已經厭倦,不過希望大家能夠遵守措拖,聖誕前可以回復正常。不過民眾一於少理,18歲至24歲英國受訪民眾就話就算聖誕時有無禁足令都好亦唔會理會,一定會外出玩樂食飯,更會外遊至英國其他地方旅遊。其實唔單止英國,歐洲多國都創出單日確診紀錄,例如法國、意大利、希臘等,情況令人十分擔心呢!
相關文章: