《獎門人》監製錢國偉病逝 終年58歲

·1 分鐘文章

金牌監製錢國偉今日病逝,終年58歲。錢國偉今年5月已傳出患重病,胰臟出現問題,曾一度入院做手術。有指錢國偉近日病情惡化,日前已在養和醫院留醫,要靠打嗎啡止痛,大多時間半昏迷。錢國偉最為人熟悉是他為《獎門人》系列作監製,現他遺下妻女,令人心痛。

監製衛世輝接受東網訪問時坦言剛剛收到錢國偉(Wilson)逝世的消息,昨晚曾與同事到醫院探望他,他傷心表示見到Wilson時都很心痛:「我尋日下午去到見佢時佢係清醒嘅,佢仲叫我個名,仲想同我講嘢,我同佢講你唔好講,休息吓,我見到佢好辛苦,佢其實每見我哋五分鐘,就要抖足成個鐘,我哋都唔好意思,等齊人先入去望一望佢。」問到昨日趕去見到他,現時人已過身,是否更傷心?他謂:「係!好傷心,我真係唔認得佢,我揸住佢隻手,好似冇任何肌肉咁,個病折磨得佢好犀利。」