獎門人重啟 一定要有嘅5大遊戲 其中一個MIRROR係專家

TVB今年55周年台慶,總經理曾志偉被問到有咩新搞作,「獎門人」梗係提起《超級無敵獎門人》呢個經典節目。曾志偉話今年係獎門人25周年,打算由7月重啟節目做到台慶月,仲搵返一大班「獎老」出場,又會做問卷睇下大家想復刻歷年來邊啲遊戲,嘩真係好期待呀。

睇咗咁多年,論好笑程度,甚至影響深遠嘅,我會揀呢5個︰

大電視

獎門人重啟 一定要有嘅5大遊戲 其中一個MIRROR係專家
獎門人重啟 一定要有嘅5大遊戲 其中一個MIRROR係專家

參加者分成2組,每組派代表根據大電視顯示嘅詞語俾提示,但唔可以用嗰個詞語任何一個字。另一邊就背向大電視負責估,估中最多嘅贏。呢個遊戲多年來都咁多人玩,甚至有app版本俾你同朋友隨時玩。有睇MIRROR嘅訪問都知,唔少傳媒成日都安排呢12位鏡仔玩呢個game,最衰佢地唔會上TVB,否則一定係大贏家。

辣辣壽司

獎門人重啟 一定要有嘅5大遊戲 其中一個MIRROR係專家
獎門人重啟 一定要有嘅5大遊戲 其中一個MIRROR係專家
獎門人重啟 一定要有嘅5大遊戲 其中一個MIRROR係專家
獎門人重啟 一定要有嘅5大遊戲 其中一個MIRROR係專家

令香港人了解到wasabi真正滋味嘅遊戲。以猜枚「辣辣壽司邊個食」決定邊隊人要隨機抽壽司食,隨時wasabi多過飯!讀書時期定係朋友gathering點都玩過啦啩。

馬拉松

獎門人重啟 一定要有嘅5大遊戲 其中一個MIRROR係專家
獎門人重啟 一定要有嘅5大遊戲 其中一個MIRROR係專家

詞語接龍,最常用嘅開頭係「TVB個B呀……」,然後再加新詞上去。下家要記晒成串詞語之外,仲要諗定加邊個詞語。最經典一定係林敏驄嘅「蘇格蘭場非工業用…」,直情係成個節目其中一個經典位。有段時間啲小學雞去到邊都玩馬拉松,好煩。

乒乓波

獎門人重啟 一定要有嘅5大遊戲 其中一個MIRROR係專家
獎門人重啟 一定要有嘅5大遊戲 其中一個MIRROR係專家

主持講出題目,玩家要喺打乒乓波接波時候,講同題目相關答案,好考急才!求其上youtube搵到條劉青雲同大傻哥玩呢個遊戲嘅片,而家睇都好好笑。

估歌仔

獎門人重啟 一定要有嘅5大遊戲 其中一個MIRROR係專家
獎門人重啟 一定要有嘅5大遊戲 其中一個MIRROR係專家

搵外籍人士戴住headphone聽中文歌,再由佢地「唱」出來俾嘉賓估。而家玩呢個game會唔會俾人批評種族歧視?

玩咩game唔緊要,反正最後結果都係……「打和」!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能