獲影帝加持!炎明熹獨特爆炸力 任達華撩合作

·2 分鐘文章
任達華與炎明熹於活動上互笠高帽。
任達華與炎明熹於活動上互笠高帽。

影帝任達華偕「聲夢小花」炎明熹與姚焯菲出席活動,他激讚炎明熹有活力及爆炸力,甚有演戲天分,揚言想跟她合作拍戲。

任達華、溫碧霞、劉心悠、「聲夢小花」炎明熹(Gigi)與姚焯菲等前晚出席港台活動,港台創作總監馬浚偉亦與多位高層現身。早前於內地逗留約8個月的任達華透露已返港數天,會跟家人過元旦及農曆新年,他點名讚Gigi唱歌好聽及有演戲天分:「佢內心有個爆炸力,好獨特,希望畀多啲機會佢拍戲。佢行出嚟好有氣勢,年輕又有活力,我當然想同佢合作。」而Gigi表示看過任達華的電影,大讚對方有型有款,說話風趣。

馬浚偉劉心悠奉旨談情

提到愛女任晴佳最近被拍得與年輕男士登上同一座駕,任達華表示2人不是拍拖,只是與幾名同學一齊買禮物:「佢哋由細玩到大,我都識個男仔。我好open,但要讀書先。(讀完大學先拍拖?)係,囡囡有分寸,我唔擔心,佢乜都會同我分享。(囡囡多人追?)我唔知,佢鍾意讀書多啲。」而溫碧霞笑言不可以對小朋友太嚴,否則會更反叛:「畀小朋友自由好啲,當然都要教。」並自爆喜歡姜濤,讚他性格討人喜愛,希望可以跟他合作。

而馬浚偉透露會擔任電視電影與劇集的總監製,與劉心悠一齊飾演大學教授。問到會否邀Gigi及姚焯菲演出?他說:「佢哋已經上咗我個音樂節目,佢哋放咗學都可以嚟客串。」問到跟劉心悠可有感情戲?他笑言:「我搵得佢梗係有,不過唔會加親熱戲。」

姚焯菲(左)與炎明熹同樣人氣高企。
姚焯菲(左)與炎明熹同樣人氣高企。
馬浚偉與劉心悠合作電視電影。
馬浚偉與劉心悠合作電視電影。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能