玫瑰園辣手催花錯在大會還是港人？

所謂「花開堪折直須折」，前晚Light Rose Garden玫瑰燈海園吸引逾10萬人次入場，人頭多過花；結果一晚過後，10幾朵白玫瑰LED燈被折斷破壞，木圍欄也被拗斷，大會急變陣，於原本木圍欄外加封鐵馬和膠帶，場面立即「膠曬」！

誰是誰非？有人話係強國人所為，有人話係無人管束小朋友而致，亦有話香港人同大陸人無分別；最後大會創作總監林樹鑫解畫：「摧花者均為香港人，有人不聽現場工作人員勸阻，衝入花海，亦有家長未有管教好子女，任由子女辣手摧花。」

首先，無論你係咩國籍，辣手摧花係唔啱，左賴右賴都無用；如大會總監所言，摧花者均為香港人，是怎樣計算出來？點解可以咁肯定在場無強國人甚至其他國家人士？這個小編不解。

第二，林先生也曾表示整個場地大約可容納4,000人，要是一晚之間湧入十萬人次，那是大會安排失當還是太過貪心，是否應設人流管制？小編當晚6點半到場，在場未見有保安維持秩序，只有零碎指示牌，當中只有幾個作人員用大聲公機械式地叫話大家唔好踩入草地影相，亦無上前阻止趕人，個人認為當晚配套絕對不足以應付十萬人次，沒有出現大事件如人踩人事件，都算可幸！

第三，有人話韓國展出個幾月都無事，但人地個首爾東大門設計廣場面積足有八萬平方米，接近半個維園，而中西區海濱長廊中環段呢？只有4,700平方米，嘩人口密度高成咁，唔好話影相啦，行路都有問題！製造話題時，都想想自己安排恰當與否，還未計早排「抄橋」風波，錢唔係咁賺。

相片來源：ap-org253127709-yahoopartner @tumblr