環保影帝另一半 Rooney Mara搞動物友善時裝品牌

·2 分鐘文章
環保影帝另一半 Rooney Mara搞動物友善時裝品牌
環保影帝另一半 Rooney Mara搞動物友善時裝品牌

上次介紹過親身參與動物權益示威而被捕嘅影帝祖昆馮力士(Joaquin Phoenix),佢未婚妻Rooney Mara當然都係同道中人。舊年祖昆馮力士拎完奧斯卡影帝,就同Rooney著住禮服去開餐,去邊?唔係高級餐廳,而係洛杉磯韓國街一間素食漢堡店,佢地仲要坐喺鋪頭門外即場食包。有攝影師影低呢一刻,張相成為近代經典。

環保影帝另一半 Rooney Mara搞動物友善時裝品牌
環保影帝另一半 Rooney Mara搞動物友善時裝品牌

Rooney Mara出身名門世家,父母分別來自美式職業足球隊Pittsburgh Steelers同職棒球隊紐約巨人隊嘅創辦人家族,但係Rooney並唔似其他美國名媛咁熱愛炫富打扮,即使成名後被記者影到,好多時造型都係T Shirt 牛仔褲搭帆布鞋。

茹素多年嘅Rooney,2018年同伙伴創立時裝品牌Hiraeth,推出一系列不含動物材料嘅服飾,例如受人造皮革製作嘅長靴。佢本身好喜愛另一動物友善嘅時裝品牌Stella McCartney,但係除此之外冇咩選擇,於是諗到開發呢個市場。另外Rooney又成立慈善基金,協助肯雅一個貧民窟嘅孤兒。

環保影帝另一半 Rooney Mara搞動物友善時裝品牌
環保影帝另一半 Rooney Mara搞動物友善時裝品牌

Rooney Mara舊年為祖昆馮力士誕下兒子,呢對情侶既然係素食者,外界自然想知佢地會唔會安排囝囝食素,祖昆馮力士回應話,唔會強迫個仔食素,並支持佢嘅決定,但係亦會教導小朋友食物畜牧業嘅真相。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能