疫情升溫 日本呼籲國民本地遊計劃恐叫停
旅遊大國日本一向不乏旅客,尤其香港人更當日本係「家鄉」咁濟。不過肺炎疫症之下,全球旅遊停擺,日本近3個月旅客量比去年跌咗99.9%,對於好多以旅遊業為生嘅日本公司嚟講可以話生計不保。無外地遊客,只能鼓勵日本人本地遊,政府早於4月時就計劃好一個名為「Go To Travel」計劃,政府會補貼日本人本地遊,每位旅客可以獲得一半嘅酒店及旅費資助,上限為每晚2萬日圓(約$1,400港元),非常大方,預計將用17萬億日圓公帑。呢個4月時訂下嘅計劃原本打算近期推出,但東京及關西地區近日感染數字急升,單日出現近300宗本地感染,比起高峰時期更多,可以話疫情開始失控。日本有唔少政黨都要求政府將「Go To Travel」剎停,認為會加速疫症傳播至全國,目前政府會於7月23日同旅遊省再開會,到時先決定會否推出計劃。
相關文章: