痞子殿下|周嘉洛演繹有周星馳影子 網民:星爺味好重

《痞子殿下》
《痞子殿下》

TVB古裝喜劇《痞子殿下》由周嘉洛、陳瀅、JW王灝兒、朱敏瀚、張頴康等人主演,劇集喺星期一(1日)首播,而家就同大家睇下網民有咩反應啦!

周嘉洛勁有周星馳影子
《痞子殿下》係周嘉洛首度擔正做男一嘅劇集,佢喺劇中飾演百勝國失寵四皇子紀威,唔識武功又孱弱,喺赴歌蓮神國迎娶納克溫柔公主(陳瀅飾)期間遇襲墮河,並流落「七不管地帶」首振鎮,獲得奕風鏢局大當家裘勇(吳岱融飾)收留。劇集播出已經三集,睇得出周嘉洛落力演出,隨咗演出充滿喜感之外,仲不惜犧牲色相全裸上陣,唔少網民都話佢做得幾好笑同幾抵死,仲好有廢青安style,不過亦有唔少網民話佢嘅演繹勁有周星馳影子,留言話:「完全copy蓋世豪俠。」、「不要學周星馳演出方式,要有自己的方法,否則遲早玩完」、「周嘉洛好似係到扮緊蓋世豪俠既周星施」、「周生雖然明扮星爺,但係首次做男一佢真係搏到盡。」、「周家洛係咪扮緊周星馳 講野同動作有啲似」、「星爺味好重 怪怪地咁」、「真係好星爺」、「感覺太模仿星爺了。應該有自己的風格比較好。」及「抄夠星爺未」等等。

《痞子殿下》劇照
《痞子殿下》劇照

劇情輕輕鬆鬆
劇集以古裝喜劇為題材,當然有唔少搞笑情節,所以唔少網民睇完都話劇情輕輕鬆鬆,可以放鬆一下心情都唔錯,例如「睇呢d劇預咗無厘頭得啖笑就算,幾得意呀」、「太耐無呢啲派膠古裝 輕鬆膠下笑下咪幾好」、「好岩小朋友睇」、「雖然九唔搭八,不過輕鬆笑一下總好過睇勾心鬥角的劇!」、「正 好耐無睇過膠劇」、「疫情下好多人愁眉苦臉,睇下D攪笑片,可放鬆一下自己的心情。」、「好笑!輕輕鬆鬆一個鐘」、「勁搞笑, 我同屋企人都睇到好開心」、「輕鬆下咁睇都唔錯」、「好似好耐無古裝 Viu又無 突然有啲新鮮感」及「無無聊聊又幾好笑」等等。

《痞子殿下》劇照
《痞子殿下》劇照

陳瀅好省鏡
「宅男女神」陳瀅(Jeannie)係近年無綫力捧小花之一,憑甜美外貌加上不俗嘅演技,深得一班網民喜愛。今次佢喺劇中飾演歌蓮神國納克溫柔公主,失憶後被紀威改名做蠻儀,佢武功高強又大力,性格仲非常豪爽。唔少網民都紛紛留言話佢好正,例如「呢部戲陳瀅中性打扮仲男仔頭性格,但都仲係好靚,證明佢真係靚」、「陳瀅的確幾正」、「陳瀅真係好正!!」及「陳瀅個look真係幾正」等等。

《痞子殿下》劇照
《痞子殿下》劇照

JW演出有驚喜
JW(王灝兒)唱功了得就係人都知,估唔到佢嘅演技都令人感到驚喜,佢喺劇中飾演「細契」霍小妹,係鏢局鏢師兼醫師,同朱敏瀚飾演嘅裘千刀有感情線。網民睇完佢嘅演出都讚佢做得唔錯,留言話:「JW演出在預想之上」、「套戲係走攪笑路線架啦,接受到咪睇,反而冇諗過JW算做得幾好!」、「jw幾得意」、「JW 算唔錯」、「好好睇 JW 好嘢」及「如果你地有睇《欺詐劇團》就唔會對JW嘅表現感到意外。佢真係好有做戲天份!特別係喜劇難度更高。佢分分鐘表演自然過好多資深演員。」等等。

《痞子殿下》劇照
《痞子殿下》劇照
《痞子殿下》劇照
《痞子殿下》劇照
《痞子殿下》劇照
《痞子殿下》劇照
《痞子殿下》劇照
《痞子殿下》劇照
《痞子殿下》劇照
《痞子殿下》劇照
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖
《痞子殿下》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能