白日之下｜寶珮如冷血重現看護虐待院友畫面被讚 曾因毀容險退出幕前？

電影《白日之下》已正式上映，電影改編2015年劍橋護老院虐待院友真實事件，為《IT狗》導演簡君晉執導嘅第二部電影，並由余香凝、林保怡、姜大衛及梁雍婷等主演，以新聞行業視角揭開殘疾院舍殘酷陰暗面。《白日之下》早前獲第60屆台灣金馬獎最佳女主角、男女配角、美術設計和造型設計等5項提名；除咗主角及配角演繹出色，電影於香港上映後，連綠葉演員嘅表現均被激讚，例如係飾演看護「芳姐」嘅寶珮如就被指睇到令人好心寒。

寶珮如於《白日之下》中重現於露天地方用水喉為院舍病人沖身嘅虐老案件畫面，又對心智只有六、七歲嘅明仔（周漢寧飾）用釘書機釘手臂施暴；寶珮如即使於電影內唔係佔好多戲份，但觀眾紛紛大讚寶珮如唔洗用上好誇張嘅表情，就足以演譯出嗰種冷血性格及麻木不仁嘅冷酷暴力，足以令人留下深刻印象。

寶珮如曾於1999年發生車禍因而毀容，包括下顎面骨盡碎及盤骨移位，車禍手術後臉上裝上鈦金屬片及鑲螺絲，7年間不斷進出醫院做手術，當時又因受傷停工致經濟出現問題，幸得袁潔儀和「黑哥」姜皓文等好友幫助。寶珮如後來靠信仰度過難捱日子，2011年更遇到現任老公鄧秋雄，相識僅2個月就閃電結婚；老公亦鼓勵寶珮如重投演藝圈，繼續自己未完成嘅夢想，於是經老公激勵下，寶珮如參加試鏡並接拍電影《藍天白雲》，更於2018年憑獲香港電影金像獎「最佳女配角」提名，當時老公更陪伴寶珮如走上紅地毯。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！