百無禁忌 農曆7月限定 台北飲符咒珍奶
不知不覺去到9月,其實同時亦係農曆7月鬼節月份,不過唔知係咪疫情影響生意,唔少台北餐廳同飲品店都破格推出新產品,希望吸引消費者注意,今年就百無禁忌咁推出鬼節限定餐飲。
「手作功夫茶」位於西門町嘅分店就推出符咒飲品,貼上黃色符咒於飲品杯上,唔好以為只係得個樣,符咒全部來自台中知名廟宇,真係有保平安之作用咁話。另一間人氣甜品店「點冰室ジャビン」亦推出類似符咒刨冰,於刨冰之上貼上符咒,而且命名為「冰什麼鬼」,不過佢哋嘅符咒就搞笑居多,因為上面只係寫住「暑氣退散」。以上都只係農曆7月限定,因此已經每日吸引大批人士前往打卡呃Like,證明大家只要有得食有得影相,真係會百無禁忌呢!
相關文章: