百萬同居計劃|劇情輕鬆搞笑有新鮮感 網民:膠膠地又幾好睇

《百萬同居計劃》劇照
《百萬同居計劃》劇照

ViuTV原創劇《百萬同居計劃》喺前晚(5日)接棒《繩角》播出,劇情主要講述女強人霍姐(簡慕華飾)邀請燈仔(盧瀚霆飾)、初戀蕭遙(黃德斌飾)及下屬阿包(徐㴓喬飾)等人參與「百萬同居計劃」,參加者只要去佢屋企同佢一齊生活半年,人人就可以獲得一百萬獎金。唔講咁多,而家就同大家睇下頭兩集網民嘅反應啦!

劇情輕鬆搞笑
輕鬆喜劇《百萬同居計劃》喺前晚首播,頭兩集劇集已經講到女強人霍姐邀請燈仔、蕭遙、阿包及菲姬(黃可盈飾)參與「百萬同居計劃」,同佢一齊生活半年,之後人人便可獲得一百萬獎金,期間並有管家易曉(霍俊邦飾)照顧眾人嘅起居飮食及睇下佢哋有冇遵守奇怪嘅家規,因為只要佢哋唔遵守嘅話,就會落得扣錢收場,好似燈仔冇閂廁所板沖廁,結果每人被罰一萬蚊。唔少網民都紛紛留言大讚劇集輕鬆搞笑,例如「依套輕輕鬆鬆睇幾好」、「好睇 膠膠地唔駛用腦諗咁多」、「好快就完一集 睇得幾歡樂 Keep住呢個vibe落去應該會唔錯」、「輕鬆開心的一小時,期待燈仔的演出,期待燈仔和屋企人的互動。」、「第一集節奏幾好 無悶場」、「輕鬆小品式,可以令人暫時忘憂,開心笑一下」、「頭兩集已經好好睇,搞到我晚晚要留係屋企追」、「頭兩集都好笑,鍾意睇呢類輕輕鬆鬆笑下嘅劇」、「百萬同居計劃劇情輕鬆開心好有新鮮感」、「百萬同居計劃」頭兩集幾輕鬆好笑,各演員好有喜感」、「膠膠地又幾好睇 好過白卡劇」及「每晚必追喜戱 睇完心情輕鬆」等等。

娟姐老是常出現
加入ViuTV接近5年嘅練美娟(娟姐),喺主持及演戲方面都有涉獵,而且機會仲越嚟越多,今年ViuTV唔少劇集都有佢嘅蹤影,包括《IT狗》容美娟、《反起跑線聯盟》羅白嫣芬、《季前賽》九姐、《繩角》三姑,而今次佢喺劇情飾演蕭遙嘅老婆蕭萬麗珠,戲份雖然唔算多,不過就非常搶眼。唔少網民見到劇集又有佢嘅演出後,都留言「又有娟姐」、「娟組已經取代咗Shirley 成為每套劇嘅常駐演員」、「娟姐套套都有份」及「娟姐繼續出現」等等。

立即下載Yahoo新聞APP

多位演員演出有驚喜
《百萬同居計劃》搵嚟MIRROR成員Anson Lo盧瀚霆、Jer柳應廷、黃德斌、簡慕華、Asha徐㴓喬及Jeffrey魏浚笙等人主演,唔少網民都大讚主角們有樣有演技,例如「AL啲戲幾自然喎,估唔到」、「教主做戲進步左好多 好過大叔」、「那有咁靚仔車房仔」、「Asha正」、「簡慕華好靚女keep得好好」、「簡慕華靚到」、「Keep得勁好 好鬼鍾意佢」、「jeffrey啲戲真係好自然 成個package真係好屈機 佢出場個一節極搶眼」及「Omg 煨sir真係好cute」等等。除咗主角們獲好評之外,一班配角同樣獲得網民關注,當中包括麗英及Crystal,大讚佢哋「麗英做得幾好」、「麗英又係幾突破」及「Crystal好靚」等等。

期待阿Jer演出
唔少劇中主角已經陸續登場,不過阿Jer飾演嘅蘇B就仲未出場,所以唔少網民都留言話好期待阿Jer嘅演出「究竟柳柳第幾集出呀?」、「牙Jer幾時出」、「唔該柳快啲出場」及「超級期待蘇B」等等。

《百萬同居計劃》劇照
《百萬同居計劃》劇照
《百萬同居計劃》劇照
《百萬同居計劃》劇照
《百萬同居計劃》劇照
《百萬同居計劃》劇照
《百萬同居計劃》劇照
《百萬同居計劃》劇照
《百萬同居計劃》劇照
《百萬同居計劃》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!