盼演藝界獲支援 馬德鐘呻拍外景 變過街老鼠

藝人馬德鐘忙於宣傳熱播劇外，亦有關心施政報告，期望政府多多支持演藝界，不用在街頭拍劇時由「港版孟波」變「過街老鼠」；又謂另一新劇中會重操故業飾演G4，但操Body時受傷，要接受針灸治療。

昨日無綫劇《我家無難事》的演員馬德鐘、王君馨、車婉婉、簡淑兒、關禮傑等齊出席宣傳活動玩攀石，不過身形最fit的「港版孟波」馬德鐘卻未有大顯身手，原來他為另一齣新劇操肌時，不慎拉傷肩膀現要做針灸，故玩不到攀石。

重操故業演G4

他透露新劇飾演要員保護組（G4），但不用除衫，身形亦毋須太大隻，只需予人夠精神及安全感。問到新劇是否與李佳芯合作的《有種好男人》？他表示未知演員名單及故事大綱，只知道會有新「任務」。

對於網民大讚他在《我》劇中的角色有孟波影子甚具喜感，他認為演喜劇和演紀律部隊有不同難度：「演喜劇要靠現場感覺同演員擦出火花，演紀律部隊就要做好多事前工夫。」

王君馨做雙人運動

至於施政報告提議加設文化體育及旅遊局，他覺得是好事：「經常拍劇都要喺街取景，似過街老鼠咁，望政府加快批出具香港本土特色嘅地方畀我哋拍攝，推廣香港文化，希望唔好再阻到市民。」而王君馨亦望政府幫助演藝界，令到人人有工開。曾和老公玩攀石的她，談及夫妻做雙人運動可增進感情，她就話：「都會一齊做gym，踩吓雙人單車。」