確診新冠肺炎︱港姐司儀王賢誌臨開騷宣布缺席

確診新冠肺炎︱港姐司儀王賢誌臨開騷宣布缺席

《2022香港小姐競選》決賽今晚(25日)假紅館舉行,更破天荒由14位跨世代司儀攜手擔任,身為其中一員的王賢誌(Vinci),更是首次任港姐司儀,惟開騷前幾小時,Vinci於社交網宣布缺席晚上港姐騷,他寫道:「世事又再度令人始料不及意想不到,今晚我將會留在家中做觀眾。」不少網民紛紛留言祝他早日康復,更有人估計他確診新冠肺炎。

東網就此事聯絡Vinci,他坦承確診:「因為做港姐司儀,所以幾日前去做核酸檢測,結果顯示初步中招,健康碼變咗紅碼,所以紅館都入唔到,屋企又唔出得,要居家7日,聽日先屆滿。(冇得做司儀失望?)仲好啦!唔使畀人話瓜田李下,我有份提名其中一位佳麗,之前專登返去試件衫,依家都唔使着,浪費咗!不過唔係做司儀都唔知,我完全冇病徵,仲要好精神,當日知道後都即刻試唔同牌子快測,都只係一條線,所以我都唔明點解。」