笑對「炮灰檔」 李佳芯自嘲冇市場 呼籲男士邀約

李佳芯昨日宣傳劇集《有種好男人》，表示聖誕節沒有男士約她單獨約會，自嘲可能沒市場，反問：「我係咪要做呼籲？」

無綫新劇《有種好男人》演員李佳芯（Ali）、吳偉豪、陳自瑤及趙希洛等昨日在將軍澳宣傳劇集，Ali與偉豪飾演母子，坦言接到通知時感意外，心情忐忑：「佢做我個仔？唔係嘛？有個17歲嘅仔唔係人人接受到。」吳偉豪與女神合作卻未有親熱戲，問他會否覺得有遺憾？他笑說：「都有攬一下嘅！我哋係好Best friend嘅母子。」

聖誕節將至，Ali已相約家人及朋友慶祝，但沒男士單獨約會她，自嘲沒市場。問到是否因早前到日本旅遊傳緋聞，嚇退了其他異性，未敢向她提出邀約？她笑說：「唉，咁唔敢約都冇計㗎！我係咪要呼籲？」

陳自瑤開工笑不停

對於劇集安排在被指是「炮灰檔」的聖誕節播出，可會擔心收視？Ali說：「節日唔係應該多啲人睇咩？普天同慶，都有好處嘅。」提到有粉絲不滿劇集檔期令她無緣角逐視后？她表示：「佢哋有時擔心會Over咗，又擔心我食唔飽、着唔夠。」對於有人呼籲離巢，她笑說：「因為咁樣？唔值，好小事啫！」

至於陳自瑤劇中飾演「13點」，為愛情沖昏頭腦，她表示拍攝時馬德鐘與徐榮常爆肚及開玩笑，令她笑到NG，拍攝工作相當愉快。她又預告聖誕節會與家人及朋友開派對慶祝，但未有提及身在內地工作的老公王浩信。