粉絲帶小朋友停車場等候險釀意外 花姐:懇請大家不要再進行「私追」

·2 分鐘文章
ViuTV原創劇《季前賽》記者會 FB LIVE 截圖
ViuTV原創劇《季前賽》記者會 FB LIVE 截圖

ViuTV旗下男團MIRROR及ERROR人氣爆燈,掀起香港久違嘅追星熱潮,真係總有一個「鏡粉」及「錯粉」喺左近。佢哋粉絲數量龐大,當中有部份粉絲行為瘋狂,好似噚日(17日)MIRROR同ERROR部分成員返ViuTV總部為新劇宣傳,吸引唔少私追粉絲等候。花姐喺噚晚於IG出story再一次談及「私追」問題,另外有指姜濤及Anson Kong亦有喺粉絲TG群組再一次呼籲粉絲要顧及安全。

有報道指噚日有唔少私追粉絲為見偶像一面,不惜喺停車場等候,當中仲有人帶埋小朋友一齊追星,未有顧及安全,差啲釀成意外。而花姐喺噚晚出IG Story,留言勸喻粉絲唔好再「私追」:「感謝大家喜愛舞台上的MIRROR,在舞台下,他跟我們一樣,需要有私人空間和好好休息的時間,才能創作更多好的作品給大家,在互相尊重下,懇請大家不要再進行「私追」」。

另外,Anson Kong噚日亦有返公司,佢就話目睹有粉絲冇顧及小朋友嘅安全,好擔憂佢哋嘅自身安全,所以佢多次喺粉絲TG群組呼籲唔好喺停車場等,希望佢哋可以改喺其他地方等候。佢再話明白大家想見到偶像,不過如果佢向粉絲俾反應,咁即係變相鼓吹喺停車場等,但如果唔俾反應嘅話又會俾人話佢黑面,令佢感到兩難。

ViuTV原創劇《季前賽》記者會 FB LIVE 截圖
ViuTV原創劇《季前賽》記者會 FB LIVE 截圖
花姐 IG
花姐 IG
Anson Kong
Anson Kong

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能