糖妹谷劇冇影 慶幸陳展鵬做「共犯」

糖妹預計下月就可回港見大家。
糖妹預計下月就可回港見大家。

歌手糖妹現時身在廣州工作,未能返港為有份參演的無綫劇《童時愛上你》做宣傳,昨日她接受電話訪問時稱大感遺憾:「我未試過冇幫劇集宣傳。(陳展鵬都返唔到嚟香港宣傳?)我知,聽到有展鵬陪我,減少咗我罪孽深重嘅感覺。講笑啫!惟有喺網上出多啲Po幫手宣傳啦!」

她指未能返港,除了是因為有其他工作在身外,內地的交通亦是大問題:「可能疫情關係,啲車票畀人炒高晒,一張原本只係60幾人民幣嘅過關巴士飛,聽聞網上炒到5千至6千蚊人民幣,仲有高鐵車票都炒貴一倍,真係好瘋狂,我唔會幫襯囉!」她預計8月左右才會回港。

對於有網民指糖妹在《童》劇刻意扮「𡃁妹」,她解釋:「係配合角色設定,因為我係馬來西亞人,唔似香港人咁複雜,所以個角色就演得單純啲,加上又要遷就番高海寧嗰個8歲嘅角色。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能