經朋友認識L先生 洪天明曾聽聞事件

東方日報
·1 分鐘文章

L先生曾於不同場合與藝人合照,並在網上流傳,包括與洪金寶、洪天明父子,以及《街市遊樂團》主持麥包、滕麗名、江美儀及陳浚霆等出席慈善活動的照片,洪天明回應:「之前朋友介紹,最近有聽聞這些消息,我本身冇投資,謝謝關心。」而陳浚霆坦言認識對方:「2、3年前同佢拍過飲食節目,但唔知乜嘢原因,好快就告吹咗,我冇特別問原因,之後亦再冇聯絡。(知唔知佢投資藥品生意?)唔知,但佢有搵我做有關醫療器材嘅訪問。(有冇叫你投資?)我冇錢,佢唔會呃我啦!我聽過佢當時話想喺大埔搞食街。」

此外,黃祥興與周家蔚亦曾穿上廚服與L先生合照,祥興受訪時表示經朋友介紹認識對方,合作過小型賽車及飲食書籍的慈善活動,但對方沒有叫他投資:「我哋冇錢銀轇轕。」