網民瘋傳2年前舊聞 丁子高澄清楊千嬅演唱會冇取消

楊千嬅

楊千嬅2個禮拜後就會舉行5年來首個香港售票演唱會。近年唔少香港歌手個唱一開賣就被秒殺,不過近年千嬅主攻內地,2場亞洲博覽館演出至今仍然有飛賣,甚至有金融峰會送千嬅演唱會飛俾登記參加者,滯銷之說不脛而走。尋日更傳出千嬅演唱會取消嘅消息!

楊千嬅演唱會
楊千嬅演唱會

身兼經理人嘅千嬅老公丁子高回應傳媒時澄清,千嬅演唱會將繼續舉行,取消之說並非事實。

楊千嬅演唱會
楊千嬅演唱會

有網民發現,提及千嬅演唱會取消嘅圖片,照片來源係2020年千嬅演唱會海報,更有人轉發我地Yahoo娛樂圈2年前喺facebook報導千嬅演唱會因新冠疫情取消而製作嘅圖片,當成今次演唱會「取消」嘅報導。有網民歸咎係facebook嘅「當年今日」功能,令2年前嘅舊聞浮上水面,唔少人因此「中伏」轉發。查實只要睇返原post刊登日子,就知係咪舊聞啦!

楊千嬅演唱會
楊千嬅演唱會
楊千嬅演唱會
楊千嬅演唱會

結果我地嘅同事都要立即跟進,瘋狂喺張舊圖上面加標籤提醒大家,瘋傳嗰張係舊圖!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!