緋聞情侶公然打情罵俏 金剛Mandy互攬餵食晒甜蜜

(綜合報道)(星島日報報道)《超級無敵獎門人•終極篇》前晚進行錄影，邀請到Mandy Lieu、魯芬、康華及黎諾懿擔任嘉賓。緋聞情侶Mandy Lieu跟金剛再次同場，不時被獎門人曾志偉及其他獎老戲弄。Mandy Lieu跟金剛就一於少理，旁若無人地打情罵俏。金剛又不時為女方出頭，不過金剛言談卻透露了玄機。他說：「我手都未拖過，我做咩要幫你食啊？」 文：駱震寧 圖：朱偉彥 前晚，在環節「超級無敵過過過」時，Mandy Lieu負責食刨冰，不時撒嬌：「好凍啊！」金剛即時請纓為Mandy代食，Mandy亦都相當識做主動餵他，更共用同一個匙。金剛笑說：「好甜蜜嘅感覺啊！我手都未拖過，我做咩要幫你食啊？」Mandy即笑說：「咁我攬住你食啦！」 此外，環節「超級無敵反反反」，曾志偉問到做過最迷信的事？Mandy說：「我年初一唔沖涼、唔洗頭同唔掃地。」金剛即問：「咁你換不換褲？」Mandy笑說：「睇吓嗰日邊個約我出街啦！」 眼看手勿動 另外，Mandy Lieu性感亮相，大晒3吋事業綫。她大方地表示趁年輕多穿喜愛的衣服，亦做好防走光措施，她笑說：「絕對唔會有嘢跌出嚟。」問到是否金剛邀她上節目？她否認，更不介意曾志偉以二人的緋聞開玩笑。她說：「同佢 一齊玩好開心，見佢哋好似一家人咁。」 提到是否想以性感搶鏡，她笑說：「唔會啦！我仲以為自己好保守添，都係肉嚟啫，睇無問題，唔好掂就得喇！」 ■Mandy Lieu性感亮相，令現場氣氛升溫。 ■緋聞情侶金剛與Mandy Lieu熱情抱抱。 ■《超級無敵獎門人．終極篇》嘉賓有瞄頭。 ■二人打情罵俏，Mandy餵金剛吃果醬。 ■金剛與Mandy構成美女與野獸組合。 ■金剛主動攬Mandy，女方好受落。