羅霖有意進軍內地美容業

東方日報
·1 分鐘文章
羅霖自爆獲邀合作開茶餐廳。
羅霖自爆獲邀合作開茶餐廳。

藝人羅霖昨日出席抗疫活動派口罩,透露最近有人邀她合作開茶餐廳,她仍在考慮中:「雖然唔使投放好多錢,但要投放時間。(疫情下投資唔覺冒險?)依家舖租平咗,加上有疫苗可以打之後,有信心疫情可以緩和。」她又有意在內地從事美容生意:「有投資者開美容同醫美學校,叫我教禮儀同做顧問,最好分啲股份畀我。」

另外,她自言近半年經歷很多,包括父親過身、母親患上肝癌、二仔結婚,件件大事,問到其母情況?她說:「佢已經做咗手術,切咗一半肝,依家每隔3個月就要做電腦掃描檢測癌指數。」