美研究：啪啪啪越多唔等於可以增進感情 反而熱情減退？

嗱，平時睇戲，如果主角聽到隔離屋兩公婆日日搞嘢，大聲到就嚟要報警，嗰兩公婆一定係勁恩愛咁嘅。之但係，電影裡的通常都是騙人的，現實啪啪啪得多，等唔等於感情會變好呢？

美國Carnegie Mellon University就專登做咗個研究，搵咗64對35－65歲嘅夫妻，一半夫婦要保持平時嘅性生活，另一半就要加倍，即係本身每個人搞一次又變搞兩次，或者每星期搞3次就要變成搞6次，為期3個月，之後就要佢哋對前一日嘅性愛滿意度、愉悅感作出評分。

結果發現，要加倍進行性行為嘅夫婦，唔單止無咁開心，而且對性愛無咁enjoy，反而仲覺得攰咗，好似進行例行公事咁，實際上佢哋平均只增加咗40%性生活，但已經熱情減卻。

點解會咁呢？呢間大學嘅心理學教授就話，因為宜家係規定佢吔做多啲，搞到好似被迫咁，而唔係由心出發，所以反而令佢哋失去興趣。

咁其實想同我哋講啲咩？就係兩公婆感情好唔好，啪啪啪得多係無用，因為係「重質唔重量」。如果另一半無mood，但就夾硬要一日一次，久而久之就無咗種情趣，為做而做就無意義啦。

所以，唔係做得多就會令夫妻感情好啲，而係大家好enjoy搞嘢嘅過程。而且，你想做多啲啫，都要睇另一半有無咁嘅力氣架，你估仲係十八廿二咩？同步啲好嗎？